Bisa rahoton kamfanin dillancin labarai na Ahlulbaiti (AS) -ABNA , ministan harkokin wajen Iran ya ce: "Mun yi imanin cewa wani muhimmin bangare na musabbabin halin da ake ciki yanzu na rashin zaman lafiya, rashin tsaro da yanayin rashin lafiya a Afghanistan yana komawa ne kan manufofin siyasa hade da jarabawowi da kuskure na Amurka. "
Ministan harkokin wajen, Hossein Amir Abdullahian, ya yi jawabi a wani taron tattaunawa kan "yanayin abokantaka ta yan Adam a Afghanistan" da yammacin yau, wanda babban sakataren Majalisar Dinkin Duniya Antonio Guterres ya jagoranta.
Cikin bayanin say a ce: "Duk muna fuskantar sabon yanayi da sabon ƙalubale a Afganistan a yau kuma mun yi imanin cewa wani muhimmin sashi na halin da ake ciki yanzu na rashin zaman lafiya, rashin tsaro da rashin kwanciyar hankali a Afghanistan shine manufofin siyasa tare da kuskuren Amurka.
Da yake jaddada cewa Amurkawa sun haifar da bala'i a cikin shekarun mamayar Afghanistan kuma a yanzu yanayin da suka bar ƙasar duniya ta shaida a bun da ya faru a filin jirgin saman Kabul a cikin 'yan kwanakin nan, Amir Abdullahian ya fayyace dalilin saƙon na wannan taron a bangare biyu matakan siyasa da na yan Adamtaka. Ya kara da cewa: "A matakin siyasa, tilas ne mu aika da sako guda zuwa Afghanistan cewa za a iya samar da Afghanistan mai aminci, kwanciyar hankali da ci gaba ta hanyar kafa gwamnatin kasa mai kunshe da dukkan bangarorin."
Ministan harkokin wajen Iran ya kuma yi bayanin mahangar kasar Iran kan matakin jin kai ya kara da cewa: "Mun yi imanin cewa a cikin yanayin jin kai nay an Adam, mutane, mata da yara a Afghanistan a cikin 'yan shekarun nan da cikin makwannin da suka gabata suna fuskantar mummunan yanayi, kuma a yau al'ummar duniya sun zama Dole su taimaka masu. Ta hanyar Aika agajin jin kai zuwa Afghanistan cikinn gaggawa.
Da yake sanar da shirye -shiryen Jamhuriyar Musulunci ta Iran don sauƙaƙe aika kayan agaji zuwa Afganistan, Amir Abdullahian ya ce: Jamhuriyar Musulunci ta Iran ta buɗe dukkan iyakokinta don taimakawa sabbin tawagogi na 'yan gudun hijirar Afghanistan da matsugunansu, bugu da ƙari ta aika agajin jin kai zuwa cikin Afghanistan, domin samun ci gaba da kasuwancin gida, kasuwannin gama gari da cinikin kan iyaka mun bude iyakokin.
Yayin da yake sukar al'ummomin kasa da kasa kan rashin cika alkawurran da suka dauka na magance halin da 'yan gudun hijirar Afghanistan ke ciki, Ministan harkokin wajen ya jaddada bukatar agajin jin kai na gaggawa, gami da taimako ga jama'ar Afghanistan da kafa gwamnatin hadaka a Afghanistan din.
Amir Abdullahian ya kuma jaddada alakar kasar Iran da dukkan bangarori na Afganistan yana mai cewa: " Muna bibiyar harkokin Siyasa a Afghanistan, baya ga kafa gwamnatin hadaka, muna ganin Afghanistan zata kubuta daga ta'addanci da miyagun kwayoyi kuma mutanen Afghanistan da kansu za su iya yanke shawarar makomar kasar su.
342/
