Ana zargin cewa mutumin ya taimaka wajen kai hare-hare a makarantu da ƙauyukan jihar Borno ta arewacin Najeriya.
Alƙalin wata kotu a ƙasar, tuni ya bayar da umurnin tsare mutumin mai suna Amaechi Fred O. a wani gidan yari da ke Bavaria.
Sanarwar da gwamnatin Jamus ɗin ta bayar ta ce Amaechi ya amsa cewa yana da hannu wajen kai hare-hare har guda 4 a kan fararen hula cikin shekara 1 da ya yi a matsayin ɗan ƙungiyar ta Boko Haram.
Yanzu haka ana tuhumar sa da laifin kashe mutane da dama, daga ciki har da daliban makaranta.
