1. Shafin farko
  2. hidima
  3. Muhimman Labarai

​Nasarallah: Wajibi Ne Hizbollah Ta Kasance Cikin Gwamnati Da Kuma Majalisar Dokokjin Kasar Lebanon

16 Maris 2022 - 19:36
Lambar labari: 1239959
​Nasarallah: Wajibi Ne Hizbollah Ta Kasance Cikin Gwamnati Da Kuma Majalisar Dokokjin Kasar Lebanon

Babban sakataren kungiyar hizbullah ta kasar Lebanon sayyid Hassan nasarallah ya bayyana cewa wajibi ne kungiyar ta shiga dukkan harkokin siyasa na kasar Lebanon, kama daga majalisar dokoki da kuma gwamnatin kasar, ba wai don karfafa kungiyar kawai ba, sai dai tabbatar da cewa kawayen kungiyar sun sami nasara a zabubbukansu gaba daya, don a tafi tare da su.

Kamfanin dillancin labarai na Ahlul-Baiti {a.s} - ABNA - Jaridar Annashr ta kasar Lebanon ta nakalto shugaban kungiyar yana fadar haka a wani taron da ya yi da manya-manyan jami’an kungiyar a birnin Beirut a safiyar yau Laraba.

Sayyid Nasarallah ya ce muna bukatar dukkan kawayemmu su sami nasara a zaben 15 ga watan Mayu mai zuwa don nasaransu ita ce nasararmu. Ya kuma kara da cewa zaben majalisar dokokin kasar Lebanon mai zuwa shi ne zabe mafi muhimmanci da kuma hatsari a tarihin siyasar kasar, ganin irin yadda makiyan kasar suka sa kungiyar da kawayenta a gaba.

342/