(ABNA24.com) Kasar Jamus ta sanar da dakatar da mikawa kasar Turkiyya makamman yaki wandada ta ce kasar ta Turkiyy na iya amfani dasu kan Kurdawa a arewa maso gabashin Siriya.
A wata hira mujjalar Bild, ministan harkoin wajen kasar ta Jamus, Heiko Maas, ya ce, kasarsa ta dakatar da mika wa Turkiyya makamai a daidai lokacin da Turkiyyar ke kai farmakin soji a arewa maso gabashin Siriya.
Matakin a cewar Mista Maas, ya shafi dakatar da baiwa Turkiyya duk wani lasisi na kayan soji wandanda Turkiyyar kan amfani dasu a Siriya.
Saidai ministan harkokin wajen na Jamus bai fayyace ko wadanne irin makamman yaki ne ba ko kuma kudadensu.
A baya bayan nan dai manyan kasashen duniya, da dama sunyi tir da matakin sojin da Turkiyya ta dauka kan kurdawan a arewa maso gabashin Siriya,wadanda take dangantawa da alaka da kungiyar PKK da mahukuntan Turkiyya ke kallo a matsayin ‘yan ta’adda.
/129
13 Oktoba 2019 - 04:44
Lambar labari: 982141
Kasar Jamus ta sanar da dakatar da mikawa kasar Turkiyya makamman yaki wandada ta ce kasar ta Turkiyy na iya amfani dasu kan Kurdawa a arewa maso gabashin Siriya.
