1. Shafin farko
  2. hidima
  3. Muhimman Labarai

Majalisar Faransa za ta kada kuri’ar amincewa da Falasdinu

2 Disamba 2014 - 10:59
Lambar labari: 655462
Majalisar Faransa za ta kada kuri’ar amincewa da Falasdinu

Ana sa ran Majalisar kasar Faransa za ta kada kuri’ar amincewa da kasar Falasdinu tare da kuma umurtan gwamnatin kasar ta aiwatar da haka. Ana saran kudirin ya samu amincewar ‘yan majalisun ba tare da wata matsala ba, ganin yadda gwamnatin kasar ta bayyana aniyar amincewa da ‘yancin Falasdinawa

Sai dai matakin zai dada harzuka Haramtaciyar kasar Isra’ila kamar yadda ta faru bayan majalisun kasashen Birtaniya da Sweden suka yi a baya.

Tuni Faransa ta bayyana cewa idan lokaci ya yi za ta amince da kasar Falasdinu domin kawo karshen rikicin gabas ta tsakiya.

Ministan harakokin wajen Faransa Laurent Fabius ya shaidawa Kwamitin sulhu cewa Faransa a shirye ta ke ta jagoranci tattaunawar sulhu tsakanin Isra’ila da Falasdinawa.

A cewarsa samun ‘yancin Falasdinawa it ace hanyar warware rikicin gabas ta tsakiya.

Amma Firaministan Haramtaciyar kasar Isra’ila ya gargadi Faransa da cewa amincewa da kudirin babban kunskure ne.ABNA