Tsohon Shugaban Mauritania, Ya Gurfana Gaban ‘Yan Sanda

ABNA24 : Bayanai sun ce tsohon shugaban na fuskantar tambayoyi ne kan tuhume tuhumen da suka hada rubda ciki da kudaden al’umma.

Lauyen tsohon shugaban kasar ya ce ba’a ba shi damar ganawa da shi ba.

A farkon watan Agustan nan ne wani kwamiti majalisar dokokin kasar da aka kafa a watan Janairu, ya mika wa kotu rahoton wani bincike da ya yi kan yadda Mohamed Ould Abdel Aziz, ya tafiyar da mulkin kasar.

Wata majiya a majalisar dokokin kasar ta ce shaidawa masu aiko da rahotanni cewa, Daga cikin binkiken da akayi har da yadda ya tafiyarda wasu harkoki, da suka shafi kudaden shiga na man fetur, da sayar da filayen gwamnati A Nouakchott, da kuma saida wani kamfanin shigar da kayan abinci na kasar da kuma ayyukan wani kamfanin kamun kifi mallakin kasar China a kasar.