Hirar Da Darektan Gidan Talabijin Al-Quds TV Na Turkiyya Ya Yi Da ABNA Kan Tattakin Arbaeen
In sha Allahu wata rana za ta zo da tutar Imam Husaini (AS) zata filfila a saman fadojin ma'abuta girman kai. Duk Lokacin da Masu girman kai suka kara kaimi wajen yakar Tafarkin Husaini da Musulunci Hakan na nuna muna kara kusantar cikar burinmu.
Kamfanin dillancin labaran Ahlul-Baiti (a.s) - ABNA ya habarta cewa, maziyarta Aba Abdullah al-Hussein (a.s) daga ko'ina cikin duniya sun kai ga taro mafi girma na dan Adam domin sake gudanar da gagarumin taron Arba'in.
Kamfanin dillancin labarai na Abna tare da wasu mawallafa na wannan taro na musamman sun ba da labarin yadda maziyarta ke kan hanyar zuwa ga daukaka a kan titin Karbala mu'alla.
A ci gaba da tattaunawa da Abna da maziyarta daga kasashe daban-daban, mun samu zantawa da Dr. Nuruddin Shirin shugaban gidan talabijin na Quds TV a kasar Turkiyya kuma daya daga cikin masu fafutukar kafa kungiyar Shi'a a kasar nan, wanda ya bayyana ma'anar wannan al'amari da cewa babban taron ne.
Dangane da karantarwar mazhabar Arba'in kuwa yana mai cewa: Arba'in yana nufin; cika Alkawari ga Manzon Allah (S.A.W) domin ya ce: “Husaini daga gareni ne ya ke ni nima daga Hussaini na ke”. Gwagwarmayar Imam Husaini (AS) ta duniya ce kuma tana gudana a kowane lokaci da kuma kowane wuri; "Dukkan rana Ashura ce dukkan kasa kuma Karbala ce".
Sahabban Imam Husaini (a.s) na jiya sun kasance A bayyane kuma an san su, a yau kuma Sahabban Imam Husaini (a.s) su ne masu cewa “Labaik ya Hussain (a.s)” Wadannan masu cewa Labbaik Ya Husain din ba, kamar mutanen Kufa ban ne ba za su bar Imam Husaini (AS) shi kadai ba. Jiya mu kan ce “Kiran da ke cewa " shin akwai wani mai taimako da zai taimake ni Nasser, muna cewa Labaik Ya Khumaini”, a yau kuma mu cewa “Labaik Ya Khamenei”. Wannan yana nufin Tutar Imam Husaini tana hannun daya daga cikin amintattun zuriyarsa.
Arbaeen shine sabunta alkawari da Imam Husaini (AS) kuma jagoran gwagwarmayar. Wasu suna cewa Arbaeen ba siyasa ba ne, wannan fahimtar ba ta da gurbi a cikin mazhabar Imam Husaini (AS) kuma wannan kalma ta fito ne daga makogwaron Shaidan.
Gwagwarmayar Imam Husaini (a.s) ta siyasa ce ta kowace fuska, kuma Arbaeen ba wai kukan Imam Husaini (a.s) ba ne kawai; Duk da cewa babbar alama ce ta soyayyar Imam Husaini (a.s), amma fahimtar gwagwarmayar Imam Husaini (a.s) yin kuka gareshi shi ke haifar da ci gaba da daukakar bil'adama da al'ummar musulmi.
Ya ci gaba da cewa dangane da shahadar Mujahidan Mazhabar Husaini: Wannan kasa da muke tafiya a kanta (kasar Iraki) ta fuskanci bala'i mafi girma a tarihi, kuma wannan bala'i da ya faru a Iraki da Sham yana daya daga cikin manya-manyan bala'o'in na Duniyar Musulunci, kungiyoyin takfiriyya sun kasance suna neman duk wata hanya ta yin kisan kiyashi ga 'yan Shi'a da kawar da wurarensu masu tsarki a duk fadin duniya.
Idan da ace Mujahidan gwagwarmayar da suka sadaukar da kan su yi ba ne a yau mutane to da mutane miliyan 30 ba za su je ga Imam Husaini (AS) suna masu amsa kiransa. Idan har taron Arba'in ya kasance a yau to Albarkacin jinin Haj Qasim Suleimani da Abu Muhandes ne.
Anan wata tambaya ta taso da cewa menene cika alkarinmu ga wadannan shahidai? Waɗanda suka sadaukar tare da garkuwa da ƙirjinsu a gaban maƙiya, suka zama sun yi shahada Mu tuna cewa addinin Musulunci shi ne tafarkin cika Alkawari kuma tafarkin Ma’asumin (AS) wanda shi ne mafificin koyarwar imani da alkawari. Inda babu amanar alkawari, Musulunci da Ahlul Baiti (AS) ma ba za su wanzu ba. Idan har wannan cika Alkawari ya kasance a cikin darussa da gidajen tarihi, to amincinmu ga jinin shahidan gwagwarmaya shi ne mu tuna da su da fahimtar wannan gagarumin yunkuri da suka shayar da jininsu akan sa.
Halartar Arbaeen ya kamata ya kasance tare da mika gaisuwa ga Hajj Qasem Suleimani da sahabbansa da Jaruman shahidan Gwagwarmaya . Misali, idan akwai sharudda a cikin sallah, ni a ra’ayina, a lokacin tafiyar Arba’in, “Yin Sallama da mika gaisuwa ga shahidan juriya da Hajj Qassem Suleimani” na daga cikin sharuddan Arba’in, idan kuma ba a yi hakan ba to wannan aikin ya kamata a sake shi.
A yayin da yake bayani kan tsarin siyasar gwagwarmayar, Nuruddin Shirin ya ce: Ku lura cewa a tafarkin gwagwarmayar Musulunci shi ne dai siyasar kuma siyasar ita ce dai Musulunci abu daya ne, kuma “Labaik Ya Husaini” da “Labaik Ya Khamenei” duk daya ne. a matsayin addinin Musulunci da mazhabar Imam Husaini (AS). A yi hattara tare da lura da wane Amurka da sahyoniyanci da masu girman kai suke yaki? Wannan girman kai yana yaki ne da wadanda suke da addinin Musulunci na gaskiya da kuma Tafarkin Husaini. Idan a jiya Imam Husaini (AS) da sahabbansa sun Wadai da rayuwarsu wajen kafa makarantar Musulunci, to a yau ya kamata masu goyon bayan Makarantar gwagwarmaya su yi amfani da dukkan karfinsu wajen daukaka wannan tafarki na duniya.
Yayin da yake jaddada goyon bayan gwagwarmaya da juyin juya halin Musulunci ya kara da cewa: Ina fadar haka a matsayina na manajan daya daga cikin gidajen talbijin na Turkiyya, kuma ba na jin tsoron kowa, kuma a fili nake cewa Jamhuriyar Musulunci ta Iran Harami me ce mai tsarki da dukkan masoyan mazhabar Imam Husaini (A) ya kamata su kiyaye wannan haramin su ba da goyon baya kuma kowa yana da hakkin addini na tallafa wa wannan haramin. Tabbas Jamhuriyar Musulunci ba wai yankin kasar Iran ne kadai ba, har ma da Nazarin Musulunci da tsarin Musulunci da na Shi'a. Arbaeen matattarar Duniya ce domin tsare mazhabar Sayyidush Shuhada (a.s.) da zama soja a gaban Imam Hussain (a.s) da kuma yi masa Labbaik yana a matsayin raya wannan makaranta ne.
Labbaik ya Hussaini na nufin zan yi hidimar makaranta tare da iyalina da duk abin da nake da shi, idan Imam ya sadaukar da kansa da Ali Asghar a jiya don Musulunci, to ni ma in yi hidimar wannan makaranta da duk abin da na mallaka da 'ya'yana.
Haka nan kuma yayin da yake ishara da batun sanin kiyayya, Nuruddin Shirin ya kara da cewa: Idan har mu ba makiya Amurka ba ne, da gwamnatin sahyoniyawa, da girman kan duniya ba, to babu wata ma'ana ta kiyayya da Yazid. Yazid ya rasu shekaru dubbai da suka wuce kuma wadannan su ne Yazidawan zamaninmu da ya kamata mu tsaya a gabansu domin gwagwarmaya da su.
Muhimmin alamar tsayin daka da gwagwarmaya agaban girman kai, ita ce yankakken hannun Sardar Suleimani da guntu guntun gawar sa da ta sahabbansa, wanda duk muka gani. Ya ku masu son Imam Hussaini (a.s) ku sumbaci hannunsa da aka yanke, ku gaishe shi da girmama shi. Idan ka ce “Hussein” a kullum, ya kamata ka ce “mutuwa ga Amurka da Isra’ila” kowace rana. Idan ka yi yaki da girman kai, yana nufin kamar ka halarci yakin Khyber kuma kana gaban Imam Husaini (AS) a yakin Karbala.
A karshe daraktan gidan talabijin na Al- Quds TV na kasar Turkiyya ya kara da cewa: In sha Allahu wata rana za a daga tutar Imam Husaini (AS) a saman fadojin ma'abuta girman kai. Duk lokacin da Yayin da gwagwarmayar girman kai ga Makarantar Husaini da Musulunci ke karuwa, yana nuna muna kara kusantar cikar burinmu.