Kamfanin dillancin labaran IRNA na kasar Iran ya nakalto Sisi yana fadar haka a jiya Lahadi a lokacin da yake maraba da Priministan kasar Iraqi Haidar Abadi wanda ya kai ziyarar aiki a kasarsa. Shugaban ya ci gwamnatinsa har'ila yau tana goyon bayan dunkulelliyar kasar Iraqi.
Banda haka shugaba Abdulfata Sisi ya taya Hardar Abadi murna kan irin nasororin da sojojin kasar suke samu kan kungiyoyin yan ta'adda da kuma wadanda suke kokarin bellewa daga kasar.
A nashi bangaren Priministan kasar Iraqi Haidar Abadi ya bukaci karfafa dangantaka tsakanin kasashen Iraqi da Masar, ya kuma kara da cewa zasu yi aiki tare da tabbatar da tsaron yankin da kuma zaman lafiya, ci gaba da kuma hadin kai tsakanin kasashen yankin.
Kafin ziyararsa zuwa kasar Masar Dai Haidar Abadi ya ziyarci kasar Saudia inda a can ma batun yaki da ta'addancin ne ya mamaye tattaunawarsu.288
