Kamfanin Dillancin Labaran ƙasa da ƙasa na Ahlul-Baiti (ABNA) ya ruwaito cewa: Yayin da rikici ke ƙara ƙamari a yankin, sabbin bayanai sun bayyana game da shirin kai hari na soji da Amurka da Isra'ila ke shirin yi kan Iran. A cewar majiyoyin tsaro da na yanki, kayayyakin more rayuwa na makami mai linzami na ballistic da cruise na Iran suna cikin manyan abubuwan da za a kai hari a cikin yanayin da Washington da Tel Aviv suka shirya kai wa.
Duk da haka, majiyoyin dai sun ba da rahoton cewa gwamnatin Tehran ba ta ɗaukar irin wannan yakin a matsayin "Iyakantacce" sai dai maimakon haka tana daukarsa mai fadi da ya sahfi ko ina kuma mai ɗorewa. A cikin wannan yanayin, an bayyana cewa Iran tana shirin mayar da martani da manyan makami mai linzami masu tarin yawa wanda zasu iya kai hari kan yankunan Falasɗinawa da aka Isra’ila ta mamaye da sansanonin Amurka a yankin a cikin sa'o'i 48 na farko na harin.
Masu sharhi kan harkokin soja sun nuna cewa Iran ta samu ci gaba mai yawa a fannin kera makamai masu linzami, daidaito, da kuma karfin kai hare-haren da ba a iya sarrafawa ko kare shi ba a cikin 'yan shekarun nan. Hadin gwiwa da dakarun da ke da alaƙa da gwagwarmaya shi ma zai iya haifar da faɗaɗa fagen daga a cikin wani yaƙi mai yuwuwa. An jaddada wannan yanayi a matsayin ƙirƙirar yanayin da zai iya sanya matsin lamba cikin sauri ga tsarin tsaron Amurka da Isra'ila.
A gefe guda kuma, saƙonni daga Tehran sun jaddada kan kariya da kai hari. Jami'an Iran sun sha nanata cewa akidar tsaron ƙasar ta dogara ne akan martani, ba kai hari ba, amma duk wani hari da za’a kaiwa kasar zai gamu da martani mai "tsanani".
Masu sharhi sun ishara da cewa harin da Amurka da Isra'ila ke kai wa Iran na nufin raunana kashin bayan matakin gwagwarmaya ne, amma irin wannan matakin yana dauke da haɗarin jefa yankin zuwa yaƙin da ba a iya sarrafawa ba da zai shafi ko ina. A halin da ake ciki yanzu, duk da tattauna yanayin hare-hare ana ganin yana bayyana damuwar gwamnatin Sahyoniya da ƙawayenta game da ƙarfin kariya da kai harin da Iran ta ke kaiwa.
Your Comment