1. Shafin farko
  2. hidima
  3. Labarun Afrika

Yawan Mutanen Da Aka Kashe A Rikicin Kabilanci A Lardin Amhara Na Kasar Habasha Ya Kai 50

21 Afirilu 2021 - 12:50
Lambar labari: 1133660
Yawan Mutanen Da Aka Kashe A Rikicin Kabilanci A Lardin Amhara Na Kasar Habasha Ya Kai 50

Labaran da suke fitowa daga yankin arewacin Amhara na kasar Habasha na cewa, rikicin kabilanci wanda aka fara a makon da ya gabata, ya zuwa yanzu ya lakume rayukan mutane kimani 50.

ABNA24 : Kamfanin dillancin labaran reuters ya bayyana cewa dubban mutanene suka fito zanga-zanga a birnin Bahir-Dar babban birnin Lardin Amhara da wasu garuruwan, inda suka yi allawadai da rikicin kabilanci tsakain kabilun Oromo da kuma Amhara, kabilu mafi yawa a kasar ta Habasha.

A cikin watan yuni mai zuwa ne za’a gudanar da zabubbuka na kasa a duk fadin kasar, don haka jam’iyyun siyasa sun fara yakin neman zabe don ganin sun kada jam’iyyar firai ministan kasar Abiy Ahmed

Rahotanni sun bayyana cewa a ranar litinin kadai mutane 18 ne ‘yan kabilar Oromo aka kashe a wani yanki a Lardin Amhara inda mafi yawan mazauna wurin yan kabilar Oromo ne.

342/