Kamfanin dillancin Labaran IRNA na kasar Iran ya bayyana cewa an gudanar da tarurrukan makoki a wurare da dama a duk fadin kasar, musamman a cikin haramomi na Fatima Ma'asuma (a) da ke birnin Qum daga kudancin Tehran, da kuma birnin Mashad inda haramin Imam Rida (a) limami na 8 daga cikin limamai masu tsarki daga cikin iyalan gidan manzon Allah (s) ya ke.
Manzon Allah (s) ya rasu a ranar 28 ga watan Safar Shekara ta 11 bayan hijira a Madina bayan ya isar da sakon Musulunci ga bil'adama ya kuma kafa daular Musulunci ta farko a Madina wacce ta mamaye mafi yawan kasashen larabawa kafin rasuwarsa.
Sannan babban jikansa Imam Hassan Almujtaba (a) ya yi shahada ne ta hannun ma'aikatar Mu'awiya dan Abi Sufyan a ranar 28 ga watan Safar Shekara ta 50 bayan hijira yana dan shekara 47 a duniya.
Muna mika ta'aziyyar mu ga al-ummar musulmi kan wadan nan rashin.
