Har ila yau, kungiyar ta kare hakkin bil'adama, ta zargin kungiyar 'yan ta'addar ta Boko Haram,da tafka laifukan yaki ta hanyar bai wa kananan yara maza da mata abubuwa masu fashewa domin kashe mutane masu yawan gaske.
Wani sashe na rahoton kungiyar ya ce; Tun daga 2009 zuwa yanzu kungiyar ta kai hare-haren da suka yi sanadiyyar mutuwar mutane 20,000 a cikin kasashen Najeriya, Kamaru, da Nijar, sai kuma maida mutane fiye da miliyan biyu da 600,000 zuwa 'yan gudun hijira.
Har yanzu dai kungiyar mai akidar kafirta musulmi tana ci gaba da kai hare-hare a yankin arewa maso gabacin Najeriya da kuma kasashen Kamaru da Jamhuriyar Nijar.288
