Kamfanin dillancin labaran kasar Faransa ya bayar da rahoto daga birnin Bamako cewa, jami'an tsaron kasar Mali tare da hadin gwiwa da jami'an sojin kasar Faransa sun kai samame a wani wuri a kusa da birnin Gao, inda suka kame wasu mutane tare da tarin makamai masu yawa.
Wannan dai yana daya cikin ayyukan hadin gwiwa da bangarorin biyu suka gudanar a cikin nasara, a yunkurinsu na murkushe 'yan ta'adda da suke yin barazana ga harkar tsaron kasar.
