Sojojin Niger Sun Fatattaki Wata Ayarin Yan Ta'adda A Rewacin Kasar Dauke Da Dimbin Makamai Zuwa Mali

Shafin yanar gizo na African Times ne ya bada wannan labarin sannan ya kara da cewa ayarin yan ta’addan yan kungiyar Al-qa’da ta fito ne daga kudancin kasar Libya inda take dauke da makamai masu yawa don kaiwa yan ta’adda a arewacin kasar Mali.

Labarin ya kara da cewa sojojin kasar Faransa wadanda suke da sansanin jiragen yaki a bakin take sun taimaka wajen tarwatsa tawagar yan ta’addar.

A cikin watan satumban da ya gabata ma sojojin na Niger sun fattaki wasu yan ta’addar yan kungiyar Al-qa’ida wanda ya kai gaba kama wani na kusa da Mokhtar Belmokhtar shugaban yan kungiyar a kasar Algeria. ABNA