1. Shafin farko
  2. چندرسانه‌ای

Allah Yayi Wa Saeeb Erekat Rasuwa Sakamakon Kamuwa Da Cutar COVID-19

10 Nuwamba 2020 - 13:20
Lambar labari: 1085079
Allah Yayi Wa Saeeb Erekat Rasuwa Sakamakon Kamuwa Da Cutar COVID-19

Kungiyar Fatah ta Falastinawa ta sanar da cewa Allah Ya yi wa Saeb Erekat, babban mai shiga tsakani cikin tattaunawar da kungiyar PLO ta Falastinawa take yi da haramtacciyar kasar Isra’ila, rasuwa a yau din nan Talata sakamakon cutar COVID-19 da yake fama da ita.

ABNA24 : Tun a karshe-karshen watan Oktoban da ya gabata ne dai aka kwantar da Mr. Erekat a asibitin Hadassah Ein Kerem da ke birnin Kudus (Jerusalem) bayan da aka garzayo da shi zuwa asibitin daga Yammacin Kogin Jordan sakamakon matsalar numfashi da yake fuskanta saboda kamuwa da cutar Coronavirus da yayi.

Wasu rahotanni ne dai sun ce akwai wasu manyan jami’an Falastinawan da suke fama da cutar ta Coronavirus din.

342/