Jaridar Okaz ta ce mutane 55 ne da ake zargi da aikata laifukan ta'addanci ke jiran wannan hukunci, amma wata jaridar mai suna al-Riyadh ta ce mutane 52 ne.
A cikin wadanda za a yanke wa hukuncin har da mabiya Shi'a wadanda suka yi zanga-zangar adawa da gwamnati.
Amnesty ta ce ganin yadda yanke hukuncin kisa ya karu a kasar a bana, dole ta dauki rahoton da muhimmanci.
Kungiyar ta ce a kalla mutane 151 aka kashe a Saudiyya a wannan shekarar, wanda ba a taba samun yawan hakan ba tun shekarar 1995.
