Harin da 'yan ta'addar takfiriyya suka kai a garin "Hamah" na kasar Siriya ya ci tura.
Kamfanin dillancin labaran kasa da kasa na Ahlul-Baiti (AS) – ABNA- ya habarta maku cewa: majiyoyin yada labarai sun bayyana cewa, 'yan ta'addan na kungiyar takfiriyya sun gaza shiga cikin birnin Hama cibiyar gwamnatin lardin na Hama.
A cikin an kawo cewa, dakarun kasar Siriya sun jibge a mashigar birnin Hama da kewaye, musamman a yankin Jabal Zain al-Abidin da ke gabashin wannan birni, kuma a shirye suke su kare birnin Hama daga hare-haren ta'addanci.
Kazalika, kafofin yada labaran kasar Syria sun jaddada cewa, za a ci gaba da samun ikon da sojojin kasar suka yi a yankunan da ke wajen arewacin lardin Hama da suka hada da garuruwan Muhrada, Kumhaneh da Al-Saqilbiya.
A gefe guda kuma garuruwan Khan al-Sheikhon da Marah al-Numan da filin jirgin sama na Abul Zohor da ke lardin Idlib sun fada hannun 'yan ta'addar takfiriyya ta yadda wannan lardin ya kasance gaba daya a karkashin kungiyoyin 'yan ta'adda.
Hakazalika 'yan ta'addar a lardin Halab sun karbe iko da filin jirgin saman Halab da kuma sansanin sojin sama na Koiris domin fadada yankin da suke iko da su a wannan lardin.
Yanzu haka dai kungiyoyin takfiriyya sun mamaye mafi yawan yankunan tsakiya da kudancin birnin na Halab har zuwa filin jirgin saman birnin, kuma sojojin Syria da dakarun Syrian Democratic Forces (SDF) na can a arewacin birnin Halab.
Idan dai ba a manta ba a safiyar ranar Laraba 27 ga watan November 2024 ne 'yan ta'addar takfiriyya karkashin jagorancin kungiyar Tahrir al-Sham (tsohuwar kungiyar Al-Nusra) suka fara wani gagarumin farmaki daga yammacin birnin Halab. sun sami damar kame wani babban yanki na birnin Halab da yankunan da suka mamaye. A mataki na gaba, wadannan 'yan ta'adda na neman ci gaba zuwa wasu manyan biranen kasar Siriya.
