ABNA24 : Ministan harkokin wajen na Iran ya bayyana hakan ne cikin wani sako day a wallafa a shafinsa na Twitter yayin da yake mayar da martani da cire Netanyahun a matsayin firayi ministan Isra’ilan inda yace: Bayan tsawon lokaci na yakukuwa da kai hare-hare kan Falastinawa da kuma barazana ga Jamhuriyar Musulunci, dan ta’addan ya fadi sannan ga Gaza tana ci gaba da nasara, haka nan Iran kuma tana ci gaba da samun daukaka.
Don haka sai yayi fatan wanda ya gaji Netanyahun zai dau darasin cewa ginin da aka gina shi bisa tushen wuce gona da iri da kuma mamaya ba zai jima ba.
A ranar shekaran jiya Lahadi ne majalisar Isra’ilan Knisset ta amince da sabuwar hadakar da masu adawa da Netanyahun suka kafa a matsayin wacce za ta kafa gwamnatin da ta kawo karshen mulkin shekaru 12 na Netanyahun.
Daga karshe dai an rantsar da Nafali Bennett a matsayin sabon firayi ministan haramtacciyar kasar Isra’ila.
342/
