An yiwa Karin ‘yan sa kai guda 3 alluran gwajin riga kafin cutar korona kirar kasar Iran a safiyar yau Litinin. Majiyar muryar Jumhuriyar Musulunci ta Iran ta nakalto Dr. Hamid Husaini shugaban dakin binciken na jami’ar koyon aikin likita a nan birnin Tehran ya ce, ya zuwa yau an yiwa mutane 17 ‘yan sa kai alluran gwaji rigakafin cutar korona na kasar Iran mai suna ‘Coviran Barakat’, kuma a cikin wannan makon da muke ciki za’a yi wa wasu mutane 4 alluran gwajin.
ABNA24 : Husaini ya kara da cewa, halin mutane 17 wadanda aka yiwa alluran gwajin a karshen shekarar da ta gabata yana da kyau, kuma ba wata matsala da suka fuskanta bayan alluran gwajin.
An fara marhala ta farko na gwajin alluran riga kafin cutar korona mai suna Coviran Barakat ne a ranar 29 ga watan Disamban da ya gabata, kuma za’a yiwa jimilllar mutane 56 alluran gwajin a cikin kwanaki 56.
342/
