(ABNA24.com) Majiyar dakarun Hashdushaabi na kasar Iraqi ta bayyana cewa dakarun rundunar sun sami nasarar kakkabo wani jirgin liken asiri na kungiyar Daesh a lardin Diyala a jiya Jumma’a.
Tashar talabijin ta Al-alam a nan Tehran ta nakalto wani bayani wanda dakarun suka fitar a jiya jumma’a na cewa rundunar dakarun ta 23 da kuma ta 24 ne suka gudanar da wani sumame a yankin diyala a arewa maso gabacin garin Bakuba inda suka gano wata mabuyar ‘yan kungiyar ta Daesh suka wargazata, sannan suka kakkabo jirgin liken asirin kungiyar a yankin.
Gwamnatin Amurka wacce ta kafa kungiyar yanta’adda ta Daesh tana son sake dawo da kungiyar a kasar Iraqi bayan da ta tabbatar da cewa za’a tilasta mata ficewar daga kasar sanadiyyar kissan da tayi wa shahid Kasim Sulaimani da kuma shahid Mahdi Muhandis a farkon wanna shekara.
/129
30 Mayu 2020 - 09:06
Lambar labari: 1041513
Majiyar dakarun Hashdushaabi na kasar Iraqi ta bayyana cewa dakarun rundunar sun sami nasarar kakkabo wani jirgin liken asiri na kungiyar Daesh a lardin Diyala a jiya Jumma’a.
