Yayin da yake ishara da fatara da wasu manyan bankunan Amurka guda uku suka yi, wani mamba a majalisar koli ta siyasar kasar ta Yaman ya ce takunkumin da Amurka ta kakaba wa wasu kasashen ya haifar da akasin ci gaba, kuma ya yi tasiri.
Kamfanin dillancin labaran shafin sadarwa na yanar gizo naAhlul-Baiti (AS) ABNA habarta cewa, Muhammad Ali Al-Houthi mamba a majalisar koli ta harkokin siyasa ta kungiyar Ansarullah ta kasar Yemen ya jaddada cewa takunkumin da Amurka ta kakabawa kasar Rasha na da akasin abunda aka son cimmawa kuma bankunan Amurka sun shiga fatara.
Ya rubuta a shafinsa na Twitter cewa: Rasha, Yemen da wasu kasashe da dama da Amurka da kawayenta suka sanya wa takunkumi, amma bankunan Amurka suka shiga fatara ta dalilin hakan.
Al-Houthi ya rubuta cewa a cikin mako guda, bankunan Amurka "Silicon Valley", "signature" da "Silvergate" sun yi fatara faduwa warwas da dala biliyan 212, dala biliyan 10 da dala biliyan 11.4, ajere.
Kwanan baya, bayan amincewa da sabon tsarin takunkumin da aka kakaba wa Rasha sakamakon yakin Ukraine, Moscow ta soki takunkumin da kungiyar Tarayyar Turai da Amurka suka kakaba mata tare da daukar matakin cewa ba shi da wani amfani.
Mai magana da yawun Kremlin Dmitry Peskov ya shaidawa manema labarai cewa sabon zagaye na takunkumin EU da aka zartar a baya-bayan nan abu ne da bai dace ba.
Peskov ya kara da cewa kasashen yammacin duniya na kokarin neman karin mutane da cibiyoyin da za su hukunta su.
Takunkumin da Tarayyar Turai ta kakabawa wasu mutane da hukumomi 121 na Rasha a baya-bayan nan, shi ne mataki na goma na takunkumin da aka kakaba mata da nufin rage karfin kudi da na soji da Rasha ke samu a rikicin.
Wannan yana bayyana jerin marasa ma'ana na mutane da cibiyoyi, in ji Peskov. Muna magana ne game da irin waɗannan ƙwararrun mutane kuma kasancewa cikin jerin ba ya haifar musu da wata damuwa.
Takunkumin na baya-bayan nan na kungiyar EU ya shafi kamfanoni da dama na Rasha da hukumomin gwamnati, ciki har da bankunan Rasha uku.
Kasancewa cikin wannan jerin yana nufin toshe kadarori a cikin EU da kuma hana biza.