Kamfanin dillancin labaran AFP ya bayar da rahoton cewa, tun da jijjifin safiyar yau ake jin karar harbe-harben bindigogi a cikin yankin Ekuido da ke gabashin birnin Abijan cibiyar kasuwancin Ivory Coast, lamarin da yasa aka killace jama'a tare da hana su isa yankunan gabashin birnin a yau.
A can birnin Bouake ma a yau an ji harbe-harben bindiga a sassa daan-daban na birnin, yayin da sojoji a cikin motoci masu sulke suke ta sintiri a kan manyan titunan birnin.
