ABNA24 : Majiyar muryar jumhuriyar Musulunci ta Iran ta nakalto Jamal Urf ya na fadar haka a safiyar Lahadi, ya kuma kara da cewa, a wannan fagen kwamitinsa ya na aiki tare da ma’aikatar harkokin wajen kasar don ganin an tara kuriun masu zabe a ofisoshin jakadancin kasar, daga Iraniyawa mazauna kasashen waje.
Labarin ya kammala da cewa shirye-shirye don hakan ya kammala tare da taimakon ma’aikatar harkokin wajen kasar.
Har’ila yau Sayyid Kazin Sajjadi, jami’iin mai kula da al-amuran harkokin waje a majalisar dokokin kasar ya ce, sun samar da akwatunan zabe a garuruwan da ke da iraniyawa da yawa a wasu kasashen, ta yadda ba sai sun zo babban birnin kasar don kaka kuri’arsu ba.
Za’a gudanar da zaben shugaban kasa karo 13 a nan kasar Iran ne a ranar 18 ga watan Yuni da muke ciki a duk fadin kasar da kuma kasashen waje.
342/
