(ABNA24.com) Gwamnatin kasar Iran ta bada sanarwan fara amfani da tsarin (IP) ko “Artificial Intelligence” don gano wadanda suka kamu da cutar Corona a kasar.
Kamfanin dillancin labaran “Iran Press” ya nakalto mataimakin shugaban kasa kan kimiyya da fasaha a kasar Sorena Sattari yana fadar haka a jiya Asabar.
Sattari ya kara da cewa na’urorin IP sun fi bada sakamako mafi kyau a cikin karamin lokaci, idan an kwatanta da kayan gwaji na ( test kits ) wadanda ake amfani da su a mafi yawan kasashen duniya a halin yanzu.
Har’ila yau Sattari ya kara da cewa a halin yanzu dai ana amfani da kayan gwaji na (test kits) 100,000 a duk fadin kasar, amma an bada kwantiragin samar da wasu 250,000 a cikin gida.
Daga karshe mataimakin shugaban kasar ya ce ana yin gwaji kimanin 100,000 a kowace rana a cikin kasar. Sannan akwai kamfanonin da suka kere na’urar tallafawa numfashi wacce ake kira “Ventilators” a kasar.
/129
5 Afirilu 2020 - 07:25
Lambar labari: 1022916
Gwamnatin kasar Iran ta bada sanarwan fara amfani da tsarin (IP) ko “Artificial Intelligence” don gano wadanda suka kamu da cutar Corona a kasar.
