Mazauna yankin sun ce Maharan sun shigo kauyukan Debiro Hawul da Debiro Biu ne a saman Babur da mota a kori kura a ranar Litinin inda suka bude wuta tare da kona gidaje da wawure dukiyoyin jama’a.
Hare hare nan zuwa ne a yayin da al’ummar da ke Arewa maso Gabashin Najeriya ke cigaba da bayyana damuwar akan yawan hare haren da ake kai wa a Yankin.
A cikin kwanaki biyu da suka gabata, an kai irin wadannan munanan hare hare sau biyu a Gujba da Maiduguri inda aka samu rasa rayukan mutane kusan 30.
Rahotanni kuma sun ce yara mata ke kai harin abin da ke dada jefa tsoro cikin al’umma a dai dai lokacin da gwamnati ke kokarin murkushe Mayakan Boko Haram.288
