A yayin da firaministan Isra'ila Benjamin Netanyahu ke ci gaba da yin alkawura da kuma jaddada manufarsa na kawar da kungiyar Hamas a zirin Gaza, yayin da babban hafsan hafsan sojin Isra'ila Eyal Zamir ya yi barazanar lalata al'ummar Palasdinu da fadada hare-haren wuce gona da iri a zirin Gaza matukar kungiyar Hamas ba ta mika fursunonin Isra'ila ba, sai ga gwagwarmaya ta bai wa makiya Isra'ila mamaki da wani jerin gwano na shiri soji wanda ya yi sanadiyyar mutuwar sojojin Isra'ila. Harin kwanton bauna da ya faru a unguwar Shujaiya da ke gabashin birnin Gaza.
Ayyukan da dakarun Al-Qassam suka yi a jere - reshen soja na kungiyar gwagwarmayar Musulunci ta Hamas - a cikin 'yan kwanakin da suka gabata kowanne yana da ma'ana ta musamman wajen yin galaba a kan sojojin mamaya. Sai dai kuma kasa da sa'o'i 24 bayan da sojojin suka sanar da kai hari kan sojojin haramtacciyar kasar Isra'ila a garin Beit Hanoun, inda suka kashe tare da raunata mambobinsu ta hanyar harbin bindiga da makami mai linzami da bindigar Ghoul, sai ga wata sanarwar kuma ta zo dangane da kai harin kwantan bauna na Shuja'iyya, wanda ya ba da muhimmiyar ma'ana ga matakin aiwatarwa da kuma sakon da "Al-Qassam" ke isar da shi ta hanyar dukkanin nasarar da ta samu a yunkurinta na lalata ayyukan yan mamaya.
Rundunar ta Al-Qassam ta bayyana cewa, sun auka wa sojojin Isra'ila a gabashin unguwar Shuja'iyya a wani harin kwantan bauna da sojojin mamaya suka yi, inda suka yi sanadin mutuwa da jikkatar wasu a yammacin ranar Juma'ar da ta gabata.
Rundunar ta bayyana a wani takaitaccen bayani da ta fitar a shafinta na Telegram cewa, a yammacin ranar Juma’a ne mayakanta suka kai hari kan wata runduna ta musamman ta Isra’ila da suka fake a cikin wani gida dauke da harsashi na RPG da harsashi Yassin 105, inda suka yi amfani da bindigu masu sarrafa kansu, inda suka kashe su da kuma raunata su.
Ta Yaya Sojojin Mamaya Suka Fada Cikin Harin Kwanton Bauna Na Shuja'iyya Bayan Da Suka Kafa Shi Domin Kama Mayakan Falasdinawa?
Takaitaccen bayanin da dakarun Qassam suka yi ba a biyo shi da wani cikakken bayani ba. Sai dai kuma daga baya kafafen yada labaran Isra'ila sun buga wani bincike da sojojin mamaya suka yi, wanda suka nakalto daga wasu daga cikin jagororinsu, wanda kuma ya ci karo da bayanin da dakarun Qassam suka yi dangane da cikakken bayani game da farmakin a gaba daya. An bayyana cewa, kwamandojin sojojin sun shirya kai harin kasa da nufin janyo hankalin sojojin Qassam zuwa wani harin kwantan bauna, amma abin ya rikide zuwa harin kwantan bauna gare su, wanda ya yi sanadin hasarar rayukan maharan, ba wai mayakan gwagwarmaya ba.
Wani bincike da Isra'ila ta gudanar ya nuna cewa, wata runduna ta 16 ta Reserve Brigade ta yi tattaki zuwa wajen unguwar Shuja'iyya, inda suka kai farmaki mai tazarar kilomita daya da rabi daga shingen iyakar da sojojin Isra'ila suka kafa a arewacin Gaza.
Bincike ya nuna cewa rundunar da ta kai harin ta gudanar da bincike tare da lalata wasu kayayyakin more rayuwa a yankin. Sannan wasu daga cikinus suka tsaya domin tsare kan iyaka wasu kuma suka tsara kwanton baunar. Karfe 4:30 na yamma da yammacin ranar Juma’a ne wasu gungun gwagwarmaya suka isa yankin da dakarun tsaron kan iyaka suka yi musayar wuta a cikin wani gini da ke Shuja’iyya, lamarin da ya yi sanadin mutuwar wani sojan Isra’ila tare da jikkata wasu da dama.
Gidan rediyon sojojin Isra'ila ya bayyana cikakken bayani kan binciken farko da aka yi kan harin kwanton bauna na Shuja'iyya. Gidan rediyon ya bayyana cewa, dakarun da ke boye suna shirin yin kwanton bauna a wajen unguwar, kuma da misalin karfe 4:25 na yammacin jiya ne wasu gungun gwagwarmaya dauke da makamai suka isa wurin da ‘yan kwanton bauna suka yi arangama da rundunar a cikin wani gini, lamarin da ya yi sanadin mutuwar daya daga cikin sojojin.
Bayan an samu asarar rayuka, an samu karin dakarun da za su kwashe wadanda suka jikkata tare da ceto sauran mayakan. Sai dai kuma aikin ceton ya koma wata arangamar, inda aka dauki tsawon sa’o’i biyu ana gwabzawa tsakanin mayakan da ‘yan gwagwarmaya. Rundunar sojojin mamaya ta bayyana lamarin a matsayin mai sarkakiya, inda aka yi artabu guda biyar a cewar sanarwar.
A farkon wannan arangama, ‘yan gwagwarmaya sun jefa makami mai linzami kan wata mota kirar Hummer ta sojoji da ta zo domin kwashe masu raunin, wanda alokacin aka jikkata wani soja. Sai kuma kashi na biyu na arangamar; Dakarun ‘yan gwagwarmaya suka kai hari kan tankar Isra'ila da makami mai linzami guda biyu, a cewar tashoshin Isra'ila.
Binciken ya ci gaba da cewa, da misalin karfe 5:30 na yamma, sa'o'i daya bayan arangamar farko da wani sojan Isra'ila ya mutu, mayakan ‘yan gwagwarmaya sun harba makami mai linzami kan wata tankar yaki, inda kai tsaye suka sa me ta tare da kashe wani jami'in bataliyar.
Binciken ya kara da cewa rabin sa'a bayan harba makami mai linzami na biyu, sojojin na Isra'ila sun samu makami mai linzami karo na biyar, lamarin da ya kara yawan wadanda suka mutu tare da mayar da shirin kwanton bauna da sojojin mamaya suka shirya zuwa wani harin kwantan bauna wanda ya mayar da su a cikin akwatunan gawa.
Rundunar sojin Isra'ila ta amince a binciken da ta gudanar cewa aikin ta ya ci tura kuma ya yi sanadin mutuwar daya daga cikin mambobinta, Netta Yitzhak Kahana, mamba ce ta rundunar tsaron kan iyakoki. An kuma sanar da mutuwar Captain Ido Voloch da kuma jikkatar wasu sojoji uku.
Dakarun mamaya na Isra'ila sun tabbatar da cewa an kashe wani soja da kyaftin guda, yayin da wasu 6 suka samu raunuka daban-daban, sakamakon wani harin kwantan bauna da bangarorin suka kai a unguwar Shujaiya da ke gabashin zirin Gaza, inda aka kwashe sa'o'i biyu ana gwabza fada. Shafukan yada labaran Isra'ila sun kuma bayyana cewa, daga cikin sakamakon farmakin na Shujaiya da yammacin Juma'a, kwamandan "Brigade Jerusalem" - Brigade ta 16 - na sojojin mamaya, Kanar Netai Okashi, ya samu munanan raunuka, a lokacin arangamar da suka yi da ‘yan gwagwarmaya.
Kwamandan birged na Kudus Laftanar Nir Efragan na birged ta 16 ta sojojin Isra'ila ya samu munanan raunuka a wani harin kwantan bauna da aka kai a unguwar Shujaiya da ke birnin Gaza. Wani faifan bidiyo da gidan talabijin na Aljazeera ya watsa ya nuna hayaki na tashi daga yankunan gabashin birnin Gaza, jirage masu saukar ungulu na Isra'ila na shawagi tare da yin luguden wuta.
A ranar Juma’a, Abu Obeida, kakakin rundunar Qassam, ya ce mayakan na Qassam suna gwabza fada ne na jarumtaka, suna aiwatar da shirin kwanton bauna, da kuma “dakon sojojin makiya domin yi musu wani kisa na gaske, a wuri, lokaci, da kuma hanyar da suka zaba.
Abu Obeida ya kara da cewa, a wani sakon da ya wallafa a kafar sadarwar zamani ta Telegram, ya ce jarumtar da mujahidan suka yi a fagen tun daga Beit Hanoun har zuwa Rafah abin alfahari ne da kuma abin al'ajabi na soja, kuma shaida ce ga dukkanin matasa da dakarun kasar. Ya kuma jaddada cewa, mujahidan su da ke yankunan yaki da na ‘yan kwanton bauna a shirye suke don fuskantar arangama kuma sun sha alwashin ci gaba da dagewa har zuwa nasara ko shahada.
Sojojin Isra'ila ne suka bayar da wadannan bayanai na musamman a binciken da suka yi, wanda kafafen yada labaran Isra'ila suka ruwaito. Sai dai har yanzu dakarun na Qassam ba su fito fili su fitar da bayanansu na faruwar lamarin ba, ba su bayar da cikakkun bayanai ta mahangarsu ba, ko kuma sanar da sakamakon wannan samame bisa adadin wadanda suka mutu da kuma jikkatar sojojin Isra'ila.
Muhimmancin wannan aiki na Shuja’iyya ya zo ne a cikin tsarin tabbatar da cewa duk kokarin da Netanyahu ya yi na neman nasara a kan ‘yan gwagwarmaya ba komai ba ne illa tallan karya don sayen lokaci, yayin da hakikanin gaskiya ya karyata wadannan ikirari ta hanyar ayyuka masu zafi. Har ila yau, ya tabbatar da cewa, masu wannan kasa ne kadai ke iya yin kwanton bauna, sannan kuma babu makawa harin kwanton bauna da masu kutse da mamaya suka kafa - ba wai kawai ya gaza ba - har ma da wani harin kwanton bauna mai kishiyantar hakan, wanda zai sa jirage masu saukar ungulu so kawo dauki don kwashe wadanda suka mutu da wadanda suka jikkata.
Your Comment