Kamfanin dillancin labaran kasa
da kasa na Ahlul-Baiti As - ABNA ya habarta cewa: bias shahadar babban shugaban
kungiyar Hizbullah ta kasar Lebanon Sayyid Hasan Nasrallah da wasu gwarzayen
mayaka a birnin Beirut na kasar Lebanon Ayatullah Reza Ramezani Shugaban
Majalisar Ahlul Baiti (A.S) ta duniya ya fitar da sakon Ta’aziyyarsa:
Gundarin wannan sakon shine kamar haka:
Da sunan Allah, Mai rahama Mai Jin Kai
بسم الله الرحمن الرحيم
وَكَأَيِّن مِّن نَّبِيࣲّ قَٰتَلَ مَعَهُۥ رِبِّيُّونَ كَثِيرࣱ فَمَا وَهَنُواْ لِمَآ أَصَابَهُمۡ فِي سَبِيلِ ٱللَّهِ وَمَا ضَعُفُواْ وَمَا ٱسۡتَكَانُواْۗ وَٱللَّهُ يُحِبُّ ٱلصَّـٰبِرِينَ
Yaku ‘Ya’yan Al'ummarmu Na Musulunci Ababen Alfaharinmu
Duniyar Musulunci ta yi alhinin shahadar jagoran Musulunci, Sayyadi Ba Alawyye, jarumin Larabawa daya tilo kuma mujahid a fagen daga da ya gudanar da rayuwarsa mai daraja wajen kare gaskiya da adalci ga duk wanda aka tauyewa hakkinsa tare da dogaro da hikimarsa da karfinsa da tsayin daka na zahiri a gaba kafirci da girman kai da zalunci ‘yan mamaya da masu wuce gona da iri ya tsayu tsayin daka yayi gwagwarmaya da su. Abubuwan da suka shafi al'umma da talakawa da sauran jama'a suna da muhimmanci a gare shi, kuma ya zama alama ce ta al'amarin Palastinu, shi ne babban buri na al'ummar musulmi, da dukkanin mutane masu 'yanci da mutunci da kuma dukkanin bil'adama. Ya kasance jajirtaccen mayaki a dukkanin fagage na tunkarar mayakan sa-kai na makiya kuma malami ne babban jagoran gwagwarmayar Musulunci wanda ya dakile shirin yahudawan sahyoniya da Amurka a yankin baki daya. Sayyid Hasan Nasrallah bawa ne mai himma da kaskantar da kai ga al'umma da Kankan da kai ga marasa galihu kuma abin koyi ne na masu ilimi da malamai masu tabligin addini da masu kare hakikanin addinin muhammadi, kuma hakan ya kasance a bayyane kafin cikakkiyar maganarsa da fa'ida a cikin halayensa. kuma yana ɗaya daga cikin majagaba wajen bayani da fayyace gaskiya ya kasan a matsayin mimbari mai ban sha'awa na alkawarin gaskiya, kuma a ƙarshen tafiya ta har abada a kan tafarkin Baitul Maqdis ya sami alherin shahada. Allah Ya sanya tunaninsa da tafarkinsa su dawwama, ya zama fitila, mai haskaka tafarkin muminai Mujahidai.
Tare da zukata wadandaa suka gamsu da nufi da kaddarar Allah, cikin bakin ciki, da damuwa, da hakuri da juriya, da dukkan girmamawa da daukaka, muna mika ta'aziyyarmu ga shahadar jagoran gwagwarmayar Musulunci Allama jarumi Sayyid Hasan Nasrallah babban shugaban kungiyar Hizbullah kuma memba a majalisar Ahlul Baiti (AS) ta duniya tare da rokon Allah Ta'ala ya sanya shi a mafi kololuwar darajojin sammai. Ya sanya shi abokin zama tare da kakansa Manzon Allah (SAW) da limamai madaukaka (As) da Shahidai da salihai (Ra), kuma ya yi masa rahama mai yawa da gafara da jin dadinsa. Hakika Sayyid Hasan ya cika alkawarin da ya yi wa Allah kuma ya sadaukar da rayuwarsa akan wannan tafarki. Ya gudanar da rayuwarsa ta har abada a tafarkin da yake cike da jihadi da sadaukarwa a tafarkin Allah kuma ya zama alama ce mai zaburarwa ta gwagwarmaya da jihadi da wajen fuskantar makiya sahyoniy, kuma bai canza komai ba a wannan tafarki.
A daidai wannan munasaba mai cike da bakin ciki, a madadin kaina da kuma wakilan majalisar koli ta majalisar Ahlul-baiti (AS) ta duniya da dukkan mambobi na wannan cibiya, muna mika sakon ta'aziyyarmu da jajantawanmu ga shugaba kuma Jagora Limamin Zamani da lokaci, Imam Hujjat "Aj" da Ayatullahi Imam Khamene'i da duniyar Musulunci da Maraji’oi masu girma, da iyalan gidan Sayyid Hasan masu daraja, 'ya'yansa masu daraja, dangi da masoya, zuwa ga ma'abota girma na Musulunci da Al'ummar Labnon masu girma, ga kuma mujahidai da masu taimaka masu da kuma jagororin wannan kungiya, da mambobi da mayaka jajirtattun mazaje na gwagwarmayar Musulunci da sauran dimbin magoya bayan Nasrallah mai girma da sauran shahidai masu albarka da suka yi shahada tare da shi da kuma gabace shi wajen tallafawa wadanda ake zalunta a Lebanon da kuma daukakar Gaza.
Shahidi ne mai cike da jindadi ya kasance mai rike da tutar gwagwarmaya a duniya, mabayyanar mutuncin dan Adam, abin koyi kuma malami a fagen siyasa, jihadi, ilimi da halayya, ya sadaukar da rayuwarsa mai daraja a tafarkin Allah da addini madaidaici da al'umma, mahaifarsa da Palastinu har zuwa karshen tafarkin hadu da Kakansa, Aba Abdullahil-Husaini, amincin Allah ya tabbata a gare shi, da shahidai salihai. Kamar yadda Jagoran juyin juya halin Musulunci Ayatullah Sayyid Ali Khamenei ya bayyana a cikin jawabinsa cewa: Jagoran gwagwarmaya ba mutum ba ne, a'a sai dai ya kasance tafarki ne na Makaranta, kuma wannan tafarki zai ci gaba, kuma ya kamata 'yan ta'addar yahudawan sahyoniya su sani cewa su ne mafi rauni da karanta akan cutar da tsari mai ƙarfi na Hizbullah”.
A cikin wannan babbar musiba, ina rokon Allah Madaukakin Sarki da Ya tsare mahaifinsa mai girma da daukaka, da iyalansa masu daraja, ga wadanda suka yi hakuri da juriya tare da shi, da dukkan 'ya'yansa, 'yan uwa, da masoya, da jaruman jarumtakar gwagwarmaya ta Musulunci a kasar Labanon da kuma ko ina, ina yi musu fatan Allah ya ba su hakuri, da lada, da aminta da qaddarar Allah, da kyakkyawan karshe, da kuma jajircewa a kan hanyar samun nasara mai dorewa.
Tabbas shi mai ji ne mai amsawa
انه سمیع مجیب
Ridha Ramadhani, Babban shugaban Majalisar Ahlul-Baiti (as) Ta duniya.
Idan dai ba a manta ba a yammacin ranar Juma'a 27 ga watan Satumba 2024 ne gwamnatin yahudawan sahyoniya ta kashe babban shugaban kungiyar Hizbullah ta kasar Labanon Sayyid Hasan Nasrallah ta hanyar kai hari a unguwar Harat Harik da ke kudancin birnin Beirut fadar mulkin kasar Labanon.
