1. Shafin farko
  2. hidima
  3. Labarun Afrika

Najeriya: Sarkin Musulmi Ya Ce Gwamnatin Da Ba Za Ta Iya Kare Rayukan Mutane Ba, Ba Ta Da Halasci

7 Afirilu 2022 - 12:48
Lambar labari: 1245781
Najeriya: Sarkin Musulmi Ya Ce Gwamnatin Da Ba Za Ta Iya Kare Rayukan Mutane Ba, Ba Ta Da Halasci

Sarkin Musulmin na Nigeria, Sultan Alhaji Sa’ad Abubakar kuma shugaban kungiyar jama’atu Nasril Islam ya fitar da sanarwa wacce sakatarenta Dr. Khalid Abubakar ya sanyawa hannu, inda ya ce; A ko’ina a duniya, duk wata gwamnati wacce ba za ta iya bai wa ‘yan kasarta kariya ba, to ba ta da halarcin da za ta ci gaba da zama kan kujerar mulki.

Kamfanin dillancin labarai na Ahlul-Baiti {a.s} - ABNA - Sanarwar ta ci gaba da cewa; “ Mafi karancin abinda kungiyar jama’atu za ta iya fada shi ne, tana bakin ciki da kuma karancin kalmomin da za ta yi amfani da su domin bayyana abinda ya faru na harin da aka kai wa jirgin kasa a ranar 28 ga watan Maris na 2022.”

Har ila yau sanarwar ta ce; Harin wanda an tsara shi ne da kyau,abu ne na yin Allah wadai da shi kuma abin kyama ga duk wani ma’abocin hankali.

Wani sashe na sanarwar ya ce; “ A zahiri ayyukan na keta da hatsaniya, da kisa da kone-kone da suke faruwa a tsakiyar mutane, ko akan hanyoyi sun riga sun zama jiki ta yadda ba ma jin zafinsu.”

342/