ABNA24 : Da yake karin haske yayin wani taron manema labarai ta kafar bidiyo, shugaban kasar Afirka ta kudu Cyril Ramaphosa ya bayyana cewa, WHO ta gabatar da shawarar kafa cibiyar samar da riga kafin COVID-19, har ma ta karbi shawarwari 50, rabi daga cikinsu, sun fito ne daga kamfanoni dake da sha’awar raba kwarewarsu.
Ya ce, cibiyar za ta taimaka wajen sanya nahiyar Afirka a turbar dogaro da kai, ta hanyar ba ta damar samar da riga kafi nata na kanta.
A nata jawabin, babbar masaniyar kimiyya a hukumar WHO Soumya Swaminathan, ta bayyana cewa, cibiyar da ake fatan kafawa, za ta baiwa Afrika ta kudu damar kirkiro alluran riga kafi cikin watanni 9 zuwa 12 masu zuwa.
342/
