Kamfanin dillancin labaran shafin sadarwa na yanar gizo na Ahlul-Baiti (A.S) - ABNA - ya habarta cewa, mutane 9 ne suka mutu yayin da wasu 28 suka samu raunuka sakamakon harbe-harbe da aka yi a karshen mako a birnin Chicago na kasar Amurka.
Harbin na farko ya faru ne da daren Juma'a, wanda ya raunata wani matashi mai shekaru 17. Harin na baya-bayan nan ya faru ne da sanyin safiyar Lahadi, inda ya kashe wani mutum mai shekaru 35 tare da raunata wata mace mai shekaru 30.
Lamarin aikata laifukan harbi ya zama ruwan dare a Amurka, inda dubun-dubatar mutane ke fama da ita a duk shekara, dangane da yaduwar tashe-tashen hankula a tsakanin al’ummar Amurka, da gazawar gwamnatocin Amurka wajen samar da mafita kan wannan lamarin, wanda wadanda abin ya shafa suka zarce abin da Washington ta kira ta'addanci da kuma kaddamar da yaki a duniya a kansa.