Kamar yadda kamfanin dillancin labarai na Ahlul-Bait (AS) – ABNA - ya bayyana a wajen rufe taro na bakwai na Majalisar Ahlul Baiti (AS) ta duniya an karanta karshen jawabi na wannan taro ga mahalartan.
Cikakken Bayanin Shine Kamar Haka:
Da Sunan Allah Mai Rahama Mai Jinkai
بسم الله الرحمن الرحیم
قال الله تبارک و تعالی: «وَ نُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَ نَجْعَلَهُمْ أَئِمَّةً وَ نَجْعَلَهُمُ الْوارِثِينَ»
Allah Madaukakin Sarki Ya ce: "Kuma muna so mu yi tagomashi ga wadanda aka raunana a bayan kasa, kuma mu sanya su zama Imamai, kuma mu sanya su zama magada".
Wannan shine Bayanin karshe na zama na bakwai na babban taron majalisar Ahlul-Baiti (AS) ta duniya.
الحمدلله رب العالمین و صلی الله علی سیدنا و نبینا محمد و علی اهل بیت الطیبین الطاهرین سیما بقیة الله فی الارضین.
Godiya ta tabbata ga Allah Ubangijin talikai, tsira da amincin Allah su kara tabbata ga Sayyiduna Annabi Muhammad da Ahlin gidansa masu tsarkin tsarkakewa, musamman Hujjar Allah da ya wanzu a doron kasa.
An gudanar da wannan gagarumin taro tare da taimakon ludfin ubangiji makadaici, kuma karkashin jagorancin Baqiyatul lahil Azam Imam Zaman (AS) tare da halartar baki sama da 300 daga kasashe 130 na duniya na tsawon kwanaki 3 daga 10 zuwa 12 Shahrivar 1401. (4 zuwa 6 Safar 1444, 1 zuwa 3 ga Satumba, 2022) an fara shi ne da yin girmamawa da sabunta mubaya'a ga manufofin Imam Khumaini (RA), a zauren taron kasashen musulmi da ke birnin Tehran, tare da girmama Kasancewar Jagoran juyin juya halin Musulunci Ayatullah Sayyid Ali Khamenei da kuma yin biyayya daga koyarwarsa ta hikima, wanda taron yaci gaba da gudana da sabunta mubaya'a ga matsayinsa.
Bugu da kari, a cikin wannan taro an gabatar da littafin taskar ilimomi na kasa da kasa na Sayyida Abu Talib AS, Mataimaki mai kare Manzon Allah (SAW) da kuma ayyuka masu daraja na jagororin Majalisar Ahlul Baiti (AS) ta duniya da kuma bayar da su don amfanin mabiya Ahlul Baiti (AS).
Haka kuma mahalarta wannan gagarumin taro sun yi bitar yanayin kasa da kasa da nufin taimakawa yadda ya kamata wajen magance manyan matsalolin da suka jawo damuwa ga mabiya Ahlul Baiti (AS) a duniya, domin samun kwarin gwiwa ta hanyar anfani da ilimomi da koyarwar Ahlul Baiti (AS) kuma bisa kokarin kawo sauyi na Majalisar Ahlul-baiti (AS) da ake yi, domin samun kyakkyawan yanayi ga mabiya Ahlul Baiti (AS) a cikin kwamitocin guda hudu:
1. Majalissan gida na Ahlul-Baiti da na masu Tabligi
2. Bangaren Kulla alakar Sadarwa.
3. Bangaren Sararin yanar Gizo da kafofin watsa labarai
4. Bangaren Tattalin arzikin Mabiya Ahlul Baiti (a.s).
Sun kuma tattauna tare da yin musayar ra'ayi a tarurruka biyu masu taken: "Mace da Iyali" da "Masana Ilimi".
Yanzu haka kuma a karshen wannan taro na kasa da kasa, wakilan babban zauren taron karo na bakwai sun fitar da wannan sanarwa, tare da jaddada wajabcin goyon bayan al'ummar musulmi, tare da jaddada hadin kan musulmi da kuma daidaiton kasashen musulmi. Taro yana tunatar da cewa domin tabbatar da ingantuwar matsayin mabiya Ahlul Baiti.A) da ci gabansu da ayi la’akari da abubuwan da suke biye a kasa;
1) Nasarar Bangaren Gwagwarmaya:
Babban kalubalen da mabiya Ahlul Baiti (AS) suka fuskanta a cikin shekaru goman da suka gabata shi ne bullar kungiyar takfiriyya da sahyoniya ta Daesh da kuma rikice-rikice a yankin da suke. Wannan kalubalen ya yi tasiri kai tsaye kan matsayin mabiya Ahlul-baiti (AS) har ma da wuraren ibada da haramin Sayyida Zainab (AS) suka zamo cikin hadari. An kafa dakarun gwagwarmaya ne karkashin jagorancin jagoran juyin juya hali bisa jagorancin kwamandan shahid janar Haj Qassem Sulaimani, hart a kai ga rukushe da ruguza kungiyar ISIS ya dawo da zaman lafiya a yammacin Asiya, wanda shine tsakiyar wurare da al'ummar mabiya Ahlulbaiti. -Bait (AS).
Samar da yunkuri na masu kare haramin a tsakanin matasa da yada al'adun sadaukarwa da shahada a tsakanin al'ummar Ahlul-Baiti na daya daga cikin albarkokin wannan yunkuri da Majalisar ke da alhakin kare shi. ‘Yan majalisar a madadin mabiya Ahlul-baiti (A.S) suna godiya ga shahidan da suke kare harami, musamman Sardar Rashid Haj Qasim Suleimani, Abul Mahdi Al-Muhandis, Sardar Hamdani da makamantansu.
2) Mas’alolin Mabiya Ahlul Baiti (AS).
Kiyaye muhimman dabi’u na al’ummar Ahlul-baiti, wadanda suka samo asali daga babbar koyarwar mazhabar Shi’a ana daukarsa daya daga cikin muhimman ayyukan majalissar. Abin takaici, a yau wasu daga cikin waɗannan dabi'un sun fuskanci kalubale saboda mamayewar al'adu da kuma fadada salon batsa na yammacin Turai. Daya daga cikin abubuwan da wayewar yammacin turai suka yi niyya wajen aiwatar da mamayewar al'adu shi ne rugujewar ginshikan tsarin iyali a cikin al’ummar Musulunci da kuma tsakanin mabiya Ahlul Baiti (AS). Babban abin da ke cikin wayewar Musulunci idan aka kwatanta da sauran wayewar ita ce mahimmanci da matsayi na tsarin iyali wanda ya ruguje a yammacin duniya kuma a halin yanzu yana fuskantar matsaloli a cikin al'ummar Ahlul-Baiti. Baya ga batun iyali, akwai batun samar da sadarwa mai yawa a tsakanin mabiya Ahlul-Baiti (AS) wanda ya samu muhimmanci ribi biyu a duniyar da tsarin ke lalacewa kowace rana.
Babban manufar Majalisar Ahlul Baiti (AS) ta duniya ita ce hada mabiya a matakai daban-daban tun bayan kafa ta. Daga cikin batutuwan da al’ummar Ahlul-Baiti ke fuskanta akwai na sararin samaniya na na kafofin sadarwa da kafafen yada labarai, wadanda ke da matukar tasiri a kansu. Ya kamata majalisa ta mayar da wannan barazana ta zama dama ga masu sauraronta ta hanyar yin tsaruka. Har ila yau, daya daga cikin nasarorin da majalisar ta samu, ana iya la'akari da yadda aka kafa cibiyar malamai a muhallin kasa da kasa da kuma tsarin al'ummomin cikin gida na mabiya tafarkin Ahlul Baiti (AS) ta hanyar kirkiro su da bunkasa su, wanda ya kamata a bin yadda yakamata da babban yunkuri.
Assalamu alaikum
12 ga Shahrivar, 1401
6 Safar 1444