Jaridar Tehran times ta nakalto shugaban yana fadar haka a jiya Laraba a lokacin da yake ganawa da ministan harkokin wajen kasar Dutch Netherland, Sigrid Kaag wacce take ziyarar aiki a nan Tehran.
Shugaban ya kara da cewa iraniyawa ba za su manta da yadda sojojin Sadam Husain suka yi ta ruwan makamai masu linzami a kan biranen iran a gomiya ta 80 amma kasashen yamma su ka ki sayar mata makamai.
Banda haka shugaban ya kara jaddada wannan maganar a lokacin ganawansa da ministan harkokin wajen kasar Espania Alfonso Dastis a jiyan, Daga karshe shugaba Ruhani ya zargi kasashen yamma da sayarwa wasu kasashen yankin makamai masu hatsari wanda ya maida yankin rumbun tattara makamai a duniya.
