A yammacin jiya Juma'a 22 ga watan Maris ne aka gudanar da zanga-zangar nuna adawa da gwamnati a birnin Istanbul da wasu biranen kasar Turkiyya domin nuna rashin amincewa da kame Ekrem Imamoglu magajin garin Istanbul kuma babban abokin hamayya a zaben Erdogan duk da gargadin da shugaban kasar Turkiyya Rajab Dayyib Erdogan ya yi.
A cikin rahoton yazo cewa, an fara zanga-zangar Turkiyya a ranar Larabar da ta gabata (19 ga Maris, 2025) bayan kama Imamoglu magajin garin Istanbul kuma babban abokin hamayyar Erdogan a zaben da aka gudanar a Istanbul, Ankara, Izmir da sauran garuruwa. Kamfanin dillancin labaran AFP ya kira wadannan zanga-zangar ita ce zanga-zangar mafi girma da Turkiyya ta gani a cikin sama da shekaru goma. Rajib Dayyib Erdogan ya yi gargadin cewa kasar ba za ta amince da "ta'addanci kan titi ba".
Ana ci gaba da gudanar da zanga-zangar a Turkiyya duk da cewa hukumomin Izmir da Ankara sun fitar da sanarwa daban-daban na hana duk wani taro da zanga-zanga a wadannan larduna.
Gwamnatin Izmir ta sanar a jiya (Juma'a) cewa za a aiwatar da dokar hana taruwa da tattaki na tsawon kwanaki 5 daga karfe 10 na safe (lokacin Juma'a).
A gefe guda kuma, gwamnatin Ankara ta haramta duk wani taro da jerin gwano a babban birnin kasar na tsawon kwanaki 5, tun daga jiya.
Duk da haramcin zanga-zangar da kuma gargadin Erdogan, a wajen zanga-zangar na daren jiya (Jumma'a), Ozgur Ozil, shugaban jam'iyyar adawa ta Republican People's Party (CHP), wanda ya shirya zanga-zangar a fadin kasar, ya shaida wa dimbin jama'a da suka taru a gaban zauren birnin Istanbul cewa: "Mutane 300,000 ne ke cikin wannan zanga-zangar".
Ya ce wannan ba taro ba ne na jam'iyyar Republican People's Party, a'a, jama'a daga kowane bangare sun taru a nan don nuna goyon bayansu ga Imamoglu da kare dimokradiyya.
Shugaban jam'iyyar adawa ya nuna wa Erdogan cewa shugaban na Turkiyya na kokarin amfani da bangaren shari'a a matsayin makami don matsawa Imamoglu da kwace wannan ginin (zauren birnin). Amma ba za mu bar wa gwamnati ba.
Babban mai shigar da kara na Istanbul ya bayar da sammacin kama Ekrem Imamoglu, magajin garin birnin, da wasu mutane 99 a ranar Laraba (19 ga Maris, 2025) bisa zargin "almundahana, cin hanci da rashawa, da laifukan da suka shafi ta'addanci". Sai dai masu zanga-zangar suna kallon kama Imamoglu ba a matsayin hanyar shari'a da ta dace ba, a'a wani yunkuri ne na siyasa da gwamnati ta yi na kawar da abokan hamayya da kuma juyin mulki ga kundin tsarin mulkin Turkiyya.
An kama mutane 343 bayan zanga-zangar da aka yi a daren jiya a Turkiyya
Ma'aikatar harkokin cikin gida ta Turkiyya ta sanar a yau (Asabar) cewa mutane 343 ne aka kame a yayin zanga-zangar da daddare a wasu biranen kasar ta Turkiyya domin nuna adawa da kama magajin garin Istanbul Imamoglu.
Your Comment