Kamfanin dillancin labaran shafin sadarwa na kasa da kasa na Ahlul Bayt (AS) - ABNA – ya habarta maku bisa nakaltowa daga Kamfanin dillancin labaran Mehr wanda shima ya nakalto daga shafin sadarwa na yanar gizo na kasar Rasha Daily cewa, bayan buga rahotannin da ke cewa an zabi Khalid Mash’al a matsayin magajin shahid Isma’il Haniyah, kungiyar Hamas ta musanta wannan batu da kakkausar murya.
Bassim Naeem, mamba a ofishin siyasa kuma mai kula da sashen hulda da kasashen duniya na Hamas, ya ce: "Babu wani sabon batu dangane da ayyukan cikin gida na Hamas".
Ya kara da cewa: Bayan kammala zaben da za a gudanar bayan taron majalisar shawara na kungiyar, za a sanar da sabon shugaban ofishin siyasa a hukumance.
A gefe guda kuma, wata majiya a hukumance ta Hamas ta sanar da cewa, mun musanta nada wanda zai gaji Ismail Haniyah. Za a gudanar da tsarin maye gurbin ne bayan gudanar da zabukan da za a gudanar bayan taron majalisar tuntuba ta kungiyar, sannan bayan taron za a bayyana sunan sabon shugaban ofishin siyasa a hukumance.
Jita Jitar Tazo Kamar Haka:
Shafin Yanar Gizon Azabaijan: "Khaled Masha’al" Ne Zai Kasance Shugaban Ofishin Siyasa Na Hamas
Gidan yanar gizon Azabaijan tare da ambaton ganawar Hakan Fidan da Khaled Mashaal a birnin Doha, wani gidan yanar gizo na Azabaijan ya yi ikirarin cewa an gabatar da shi a matsayin shugaban sabon ofishin siyasa na Hamas.
Majiyar Turkiyya ta sanar a yau cewa, ministan harkokin wajen kasar Hakan Fidan ya gana da Khaled Mash’al shugaban ofishin siyasa na kungiyar Hamas a kasashen waje a birnin Doha na kasar Qatar. A cikin wannan ganawar, ministan harkokin wajen Turkiyya ya nuna alhininsa game da shahadar Ismail Haniyah.
Dangane da wannan labari, gidan yanar gizon Azabaijan APA ya yi ikirarin cewa Khalid Mash’al a matsayin sabon shugaban ofishin siyasa na Hamas ya gana da wannan jami'in na Turkiyya.
A gefe guda kuma, bisa wannan labarin gidan yanar gizon Sputnik ya kuma gabatar da Khalid Mash’al a matsayin shugaban ofishin siyasa na Hamas.
A cikin 'yan kwanakin nan, bayan kisan Ismail Haniyah, an gabatar da Khalid Mash’al a matsayin babban zabi mai nagarta ga shugabancin ofishin siyasa na Hamas.
