1. Shafin farko
  2. hidima
  3. Labarun Afrika

Najeriya: UNICEF Ta Ce Akalla Makarantu 25 Aka Kai Wa Hari A 2021

28 Nuwamba 2021 - 14:39
Lambar labari: 1203111
Najeriya: UNICEF Ta Ce Akalla Makarantu 25 Aka Kai Wa Hari A 2021

A Wani rahoto da Asusun yara na Majalisar Dinkin Duniya (UNICEF) ya fitar ya bayyana cewa a shekarar 2021 kadai, an kai farmaki a makarantu 25 a Nijeriya tare da sace dalibai 1,440. Har ila yau ya kara da cewa, yankin Afirka ta Yamma da ta Tsakiya ne ke kan gaba wajen rikice-rikice wanda suke shafi yara kanana a shekaru biyar da suka gabata .

Kamfanin dillancin labarai na Ahlul-Baiti {A.S} - ABNA : A cewar UNICEF, yara na fuskantar hadarin rikici. An kwashe shekaru 12 ana fama da rikici a yankin Arewa maso Gashin Nijeriya , kuma an kashe dubban yara tare da raunata wasu da yin garkuwa da su, da kuma barin su a sansanin ‘yan gudun hijira wanda hakan tauye hakkin Dan’adam ne.

Kididdigar da aka fitar a sabon rahoton da UNICEF ta wallafa ya yi kira da a kara goyon bayan kare kakkin kanann yara da kuma kawo karshen rikice-rikice.

342/