ABNA24 : Sanarar da ma’aikatar wajen Masar ta fitar game da wannan batu, ta ce kalaman firaminista Ahmed na nuna aniyar Habasha ta yin yadda ta ga dama, game da yadda take mu’amala da kogin Nilu, da sauran sassan ruwayen kasa da kasa da take cin gajiyarsu tare da kasashe makwaftan ta.
Masar dai na cewa, kasashe masu kusanci da kogin Nilu na da hakkin cin gajiya daga albarkatunsa.
Sai dai kuma wadannan irin ayyuka da Habasha ke burin aiwatarwa, ya dace su biyo bayan cikakken tsarin tuntuba, da cimma matsaya tare da sauran kasashe masu ruwa da tsaki, musamman ma kasashen da ke amfana kai tsaye daga albarkatun ruwan kogin na Nilu, a cewar kasar ta Masar.
342/
