(ABNA24.com) WHO, ta ce wannan matakin, wanda kwamitin da ke sa ido kan gwajin magunguna na kasa da kasa ya bada shawara a dauka, ba zai shafi sauran bincike-binciken da ake yi a bangarorin da ake amfani da magungunan kan marasa lafiyar da ba a kwantar a asibiti ba ko kuma a matsayin maganin kariya.
A daya bangare kuma Hukumar kula da lafiya ta MDD ta sanar da cewar, akwai yiwuwar samun sakamakon farko na gwajin maganin cutar COVID-19 nan da makonni biyu, a ta bakin babban Darektan WHO Tedros Ghebreyesus, saidai ba tabas akan lokacin da za’a iya wadatar da duniya baki daya ba da maganin, a cewar shugaban bangaren agajin gaggawa na hukumar Mike Ryan.
Kamfanin dilancin labaren AFP, ya ce zuwa jiya Asabar, adadin wadanda aka tabbatar sun kamu da cutar COVID-19 a duniya ya zarce miliyan 11, inda ya kai miliyan 11, 145, 649 sannan, jimilar mutane 527 ,241 ne cutar ta yi ajalinsu a fadin duniya.
Kasar Amurka ce cutar ta fi yi wa illa, inda mutane 2, 818, 588 suka kamu, yayin da ta yi sanadin mutuwar 129 584.
342/
