Kamfanin dillancin labaran kasa
da kasa na Ahlul-Bait (a.s) ya habarta maku cewa: ma’aikatar yada labaran kasar
ta fitar da sanarwar kame wasu ‘yan ta’addar ISIS 14 a lardunan Tehran, Alborz,
Fars da Khuzestan tare da hadin gwiwar jami’an leken asirin kasar.
Sanarwar da ma'aikatar yada labaran ta fitar ta ce:
Zuwa ga al'ummar Iran masu girma a yayin wani jerin ayyukokin tsaro da babban jami'an leken asiri na lardunan Tehran, Alborz, Fars da Khuzestan suka gudanar tare da hadin gwiwar jami'an leken asirin kasar, wasu jigajigai 14 karkashin jagorancin kungiyar 'yan ta'adda da Amurka da sahyoniya daukar nauyi da ake kiransu da "Daesh Khorasan" an gano su kuma an kama su da umarnin hukumar shari'a mai girma. Wadanda ake tuhumar dai sun shiga kasar ne ba bisa ka'ida ba a cikin 'yan kwanakin da suka gabata da nufin gudanar da ayyukan ta'addanci.
Daga cikin wadannan an kame 'yan ta'addar Daesh 7 a lardin Fars sannan kuma an kama 'yan ta'adda 7 a lardunan Tehran, Alborz da Khuzestan.
Za a buga sakamakon binciken da tambayoyi daga baya.
A lokacin munasabar Arbaeen Imam Husaini an bukaci masu juyayin Sayyidina Aba Abdullahil-Husain (AS) da kuma masu rike da madafun iko da masu ruwa da tsaki a masallatai da takayya, masu maukibobi da tawaga da su kai rahoton duk wani lamari da ake tuhuma da kuma motsi cikin gaggawa zuwa hedkwatar labarai na Ma'aikatar Watsa Labarai a lamba 113 yayin da ake ci gaba da taka tsantsan.
Bangaren Hulda da jama'a na ma'aikatar yada labarai
