Kamfanin dillancin labarai na Ahlulbaiti (ABNA): Fitaccen malamin nan dan kasar Ghana ya bayyana cewa ziyarar Arba'in na daya daga cikin muhimman taruka a al'adun Shi'a inda mutane ke zuwa Karbala don ziyartar haramin Imam Hussain (AS) da kuma tunawa da sadaukarwar da ya yi.
Ranar Arba'in, ko kuma kwanaki 40 bayan Ashura, ita ce rana ta tunawa da kwana Arbaeen da shahadar jikan Manzon Allah Muhammad Sawa wato Imam Hussaini As wanda ya yi shahada a yakin Karbala a shekara ta 680 miladiyya a ranar 10 ga watan Muharram, wata na farko na kalandar Musulunci.
A wata hira ta musamman da Kamfanin Dillancin Labarai na Iran Sheikh Adam Musah Nishaburi babban malamin addinin musulunci kuma limamin masallacin Rassoul Al Akram da ke birnin Accra ya yi nuni da muhimmancin tattakin Arbaeen a matsayin wata hanya ta nuna soyayya da aminci da kuma nuna juyayi ga abin da ya faru da jikan Manzon Allah, Imam Hussaini As.
“Bayan shahdar Imam Husaini AS, masoya Manzon Allah da Ahlulbaiti ba sa manta abin da ya faru da Imam Husaini da iyalan gidansa, don haka duk bayan Ashura kwana 40 sai mu tafi Karbala don ziyartar kabarin Imam Husaini a Karbala. Musulmi mai son sunnar Rasulullahi da aiki da ita, ya kamata a kalla sau daya ya je Karbala ya ziyarci jikan Rasulullahi,” in ji Sheikh Adam Musah Nishaburi.
“Imam Jafar Sadiq yana kwadaitar da mu da mu yi kokari akalla sau daya domin mu nuna biyayyarmu da tausayawa ga abin da ya faru da jikan Manzon Allah (SAW) saboda ya tsaya tsayin daka wajen kare Musulunci...
Malamin ya ci gaba da bayyana cewa sama da mutane miliyan 25 ke ziyartar Karbala a kowace shekara alama ce ta me gaskiya da Adalci suka tsaya a kai.
Limamin masallacin Rassoul Al Akram ya bayyana cewa: “Sama da mutane miliyan 25 ne ke ziyartar Karbala a kowace shekara, haka ranar Tattakin Arba’in take da muhimmanci ga musulmi, ba wai kawai al’ummar musulmi suke zuwa Karbala ba, muna kuma da wadanda ba musulmi ba, wadanda suke zuwa wurin domin shaida abin da ya faru da jikan Rasulullah.
"Akwai fa'ida mai yawa daga ziyarar Imam Hussain a Karbala, Imam Hussaini ya kare Musulunci gare ni da kai...
Sheikh Adam Musah Nishaburi ya jaddada cewa: “Darussan da aka koya daga abin da Imam Husaini ya tsaya a kai shi ne ‘yanci da mutuntaka, ya tashi ya shaida wa Yazidu cewa ina da hakki na kuma na tsaya ne a kan hakkina, wannan darasi ne a gare mu mu kuma mu tsaya mu kare hakkinmu a matsayinmu na musulmi wadanda al’ummomin da ke bayanmu suma su koyi hakkokinsu a matsayinsu na musulmi,”
......................