Kamfanin Dillancin Labaran ƙasa da ƙasa na Ahlul-Baiti (ABNA) ya habarta cewa: Kungiyar Ansarullah Ta Yemen Ta Gargaɗi Amurka Da Isra'ila Kan Cewa Za Su Ci Gaba Da Kai Hari A Tekun Maliya Kan Jiragen Ruwa Masu Alaƙa Da Isra'ila Idan Suka Kai Wa Iran Hari.
Wani ɗan gajeren bidiyo da ofishin watsa labarai na kungiyar Ansarullah ya fitar a ranar Litinin ya ƙunshi hotunan wani jirgin ruwa da ke ci da wuta, tare da taken, "Nan Ba Da Daɗewa Ba," wanda ke nuna yiwuwar sake kai hare-haren kan muradun teku na Amurka da Isra'ila.
Wannan ya zo ne yayin da jirgin ruwan Amurka mai daukje da jiragen yakin USS Abraham Lincoln da jiragen sama masu lalata makamai masu linzami suka ratsa yankin.
Shugaban Amurka Donald Trump ya ce ana jigilar jiragen saboda "shirin kota kwana" idan ya yanke shawarar ɗaukar mataki kan Iran.
Kakakin Ma'aikatar Harkokin Wajen Iran ya yi gargaɗi mai tsanani a ranar Litinin, yana mai cewa Tehran za ta mayar da martani da ƙarfi ga duk wani aikin ta'addanci, yana mai tabbatar da cewa Iran yanzu ta fi ƙarfin magance barazanar.
Esmaeil Baghaei ya yi wannan furucin ne a lokacin wani taron manema labarai na mako-mako, inda ya yi jawabi kan ayyukan soji da Amurka ta yi kwanan nan a yankin.
Baghaei ya ce kasashen yankin sun fahimci cewa duk wani rashin zaman lafiya bai takaitu ga hadari Iran kawai ba ne, yana mai jaddada cewa wannan wayar da kan jama'a ya haifar da damuwa ga kasashen yankin.
Tare da wadannan gogewa da karfin gwiwa, Iran ta fi juriya fiye da kowane lokaci kuma za ta mayar da martani ga duk wani hari ta hanyar da za ta haifar da nadama ga makiya.
Dangane da mummunan yakin kisan kare dangi da ya kara ta'azzara a Gaza wanda ya fara a watan Oktoban 2023, sojojin Yemen sun aiwatar da wani shiri na dakile hanyoyin isar da albarkatun soji ga Isra'ila yayin da suke kira ga al'ummar duniya da su magance mummunan rikicin jin kai a Gaza.
A halin yanzu, sun kai hare-haren makamai masu linzami da jiragen sama marasa matuki da dama kan manyan wurare da ke yankunan da Isra'ila ta mamaye, suna nuna goyon bayansu ga Falasdinawa a Gaza.
..........................
Your Comment