Kamfanin dillancin labaran kasa
da kasa na Ahlul-Baiti As - ABNA - ya habarta cewa: Maulana Fadlul Rahman, shugaban kungiyar Malaman Pakistan, ya yi Allah
wadai da kokarin da ake yi na ciki da waje na ci gaban tsarin daidaita alaka tare da sahyoniyawa.
Da yake jawabi a wajen taron dubban magoya bayan masoyansa a birnin Lahore, ya ce: A yau, tabbas duniya ta gane cewa al'ummar Pakistan sun rufe batun daidaita alaka da sulhu da Isra'ila, kuma babu wani wuri ga magoya bayan sahyoniyawa da wadanda ke neman tsarin daidaitawa da gwamnatin Isra'ila yar mamaye a Pakistan.
Shugaban kungiyar Malaman Pakistan ya bayyana cewa: Sojojin hayar Isra'ila a Pakistan suna ci gaba da kokarin karkatar da ra'ayoyin jama'a daga wahalhalun da al'ummar Palastinu suke ciki, a sa'i daya kuma kungiyoyin matsin lamba na kasashen waje suna goyon bayan wakilan gwamnatin sahyoniyawan.
Maulana Fazlur Rahman ya kara da cewa: Al'ummar Pakistan sun aike da sako karara ga gwamnatinsu da kuma kasashen yammacin duniya cewa ba za su taba daina goyon bayan Falasdinu ba, kuma ba za su yi sulhu ko ta halin kaka ba, kuma ba za su mika wuya ga Isra'ila ba.
Shugaban kungiyar Malaman Pakistan ya jaddada cewa, jinin al'ummar yankin tun daga Palastinu, Siriya da Iraki har zuwa Libiya da Afganistan na kwarara a hannun Amurka, don haka ba ta da wani matsayi da za a ce ta iya yin magana game da yancin ɗan adam da kariya ga dokokin duniya.
Ya kara da cewa: Amurka ita ce babbar mai goyon bayan laifukan da yahudawan sahyoniya suke aikatawa a Gaza kuma ba za ta iya zama ma'auni na kare hakkin bil'adama ba, domin a zahiri ita ce mai take hakkin bil'adama.
A baya ma'aikatar lafiya ta Zirin Gaza ta sanar da cewa adadin wadanda suka shahada a sakamakon mummunan zaluncin yahudawan sahyoniya tun ranar 7 ga watan Oktoba ya kai shahidai 40,878 da kuma jikkata adadin mutanen da suka kai 94,454.
...................................
