Kamfanin dillancin labaran na kasa da kasa na Ahlul-Bait (A.S) ya kawo maku
rahoton cewa, Sheikh Ali Khatib mataimakin shugaban majalisar koli ta mabiya
mazhabar shi’a ta kasar Labanon da tawagar da ke tare da shi sun gana da kuma
tattaunawa da Ayatullah Riza Ramazani a yayin halarci zauren Majalisar Ahlul
Baiti (A.S) ta duniya.
A farkon wannan taro, Babban mataimakin shugaban majalisar Ahlul-Baiti (A.S) ta duniya ya bayyana murnarsa da barka da zuwa ga mataimakin shugaban majalisar koli ta mabiya Shi'a na kasar Labanon da tawagar da ke tare da shi sannan ya ce: Sahyoniyanci wani tsari ne na duniya, suna da niyyar mayar da al’ummar ɗan adam masu yi masu hidima bisa ka’idoji 24 da suka ayyana.
Da yake jinjinawa majalisar koli ta mabiya Shi'a ta kasar Labanon, wadda ta dauki matsayi mai karfi a kan gwamnatin haramtacciyar kasar Isra'ila tun zamanin Imam Musa Sadr, ya kara da cewa an karya wasu haramtattun abubuwa da suka hada da haramcin karfin sojojin Isra'ila da tsarin mulki. wanda ya so ya bautar da al'ummar ɗan adam.
Ayatullah Ramezani ya ce: Sun yi kokarin tafiyar da tsarin dunkulewar duniya da mahangar 'yanci, amma suka gaza wajen gudanar da ayyukansu, kuma suka gaza cimma hakan. Suna kokarin a cikin wani tsari da zai maida al'ummomi su zama bayinsu, sun kasance masu baƙar aniya na duniya, amma a yau an dakatar da yawancin waɗannan baƙar aniyar ta su.
Babban magatakardar majalisar dinkin duniya ta Ahlul-Baiti (A.S) ya bayyana cewa, babu wanda ya yi tunanin wata kungiya za ta bulla a kasar Yemen irin wannan kuma ta tsaya tsayin daka da yaki da Amurka, yana mai cewa: A yau yanayin gwagwarmaya yana kara bunkasa, ta fara ne daga Iran sannan zuwa Lebanon, Siriya, Yemen da Iraki da kasashen Latin Amurka da kuma wasu yunkuri na cibiyoyi a Amurka da Turai.
Ayatullah Ramezani ya kuma yaba da gagarumin aikin da dakarun kare juyin juya halin Musulunci na Iran suke yi kan gwamnatin yahudawan sahyoniya ya ce: Muna fatan wannan ladabtarwar da aka yi a baya-bayan nan ga gwamnatin yahudawan sahyoniya za ta samar da ginshikin share fage na bayyanar Imam As.
A cikin wannan ganawar, Sheikh Ali Khatib ya bayyana cewa, duk da kokarin da makiya suke yi, amma al'ummar kasar Labanon sun kasance masu kauna da goyon bayan gwagwarmaya, inda ya kara da cewa: Ni ina mai dauke da kyakkyawar gaisuwar al'ummar Lebanon ga al'ummar Iran da kuma gaisuwar ban girma na al’ummar kasar Labanon ga Jamhuriyar Musulunci ta Iran saboda irin karfin martanin da ta dauka kan gwamnatin sahyoniyawa.
Mataimakin shugaban majalisar koli ta mabiya mazhabar shi'a ta kasar Labanon ya dauki gwagwarmaya a matsayin jan layi na kasar Labanon tare da jaddada cikakken goyon bayan gwagwarmaya duk da matsin lamba da wahalhalu da ake fuskanta, ya dauki gwagwarmaya da ikon Jamhuriyar Musulunci ta Iran duk kuwa da cewa akwai matsin lamba da takunkumi na makiya a matsayin abin alfahari ga al'ummar musulmi ya ce: Babu wata kasa da ta iya tsayawa tsayin daka wajen adawa da gwamnatin da ke da goyon bayan manyan kasashen duniya.
