Kamfanin dillancin labaran shafin sadarwa na Ahlul Bayt (AS) na - ABNA - ya habarta maku cewa: mayakan yahudawan sahyoniya sun kai hari a garin Baalbek na ‘yan Shi’a a gabashin kasar Lebanon har sau biyu akai-akai.
A cewar wannan rahoto, sau biyu mayakan yahudawan sahyoniya sun kai hari a wurare 4 na birnin Baalbek.
Wannan dai shi ne karo na biyu tun bayan kawo karshen yakin shekara ta 2006 da mayakan yahudawan sahyoniya suke kai wa wannan birni na Baalbek hari.
Wannan harin bam ya yi sanadin shahadar wani matashin farar hula dan kasar Lebanon mai suna "Mustafa Gharib" tare da raunata wasu 6.
A bisa hujjar harin da ta kai ta sama kan birnin Baalbek, gwamnatin yahudawan sahyoniya ta yi ikirarin cewa ta yi ruwan bama-bamai a gine-ginen sojojin sama na Hezbollah a matsayin martani ga harin da kungiyar ta kai a yankin Golan.
Baalbak na daya daga cikin garuruwan Lebanon inda fiye da rabin al'ummarta 'yan Shi'a ne. Haramin Khaulah 'yar Imam Husaini (AS) yana cikin wannan gari. Birnin Baalbek shine babban birnin lardin Baalbek Hormel, yana da tazarar kilomita 83 arewa maso gabashin Beirut. Wannan birni yana da iyaka da Siriya daga gabas da kudu. Bisa kididdigar baya-bayan nan, fiye da mutane dubu 100 ne ke zaune a birnin
......................