Kamfanin Dillancin Labarai Na AhlulBaiti

Madogara : ابنا
Litinin

11 Maris 2024

10:58:42
1443608

Gwagwarmayar Falasdinawa: Ƙoƙarin Yin Katsalandan Ga Gwagwarmaya A Lamarin Fursunonin Ba Zai Anfanar Ba

Wata majiya mai tushe da ke da alaka da gwagwarmayar Palasdinawa ta bayyana cewa, duk wata tattaunawa da ba za ta kai ga kawo karshen yakin ba, to tana anfanar makiya ne kuma ba za mu amince da ita ba, tana mai jaddada cewa gwargwarmaya tana cikin yanayi mai kyau da halin daya dace a fagen daga tana kuma a matakin na daukar cikakken shiri.

Kamfanin dillancin labaran Ahlul-Baiti (a.s) –ABNA- ya nakalto daga majiyoyin yada labarai cewa: wannan majiyar ta tabbatar da yanayin da aka samu a tattaunawar da aka yi a birnin Paris a makonnin da suka gabata da kuma ya kai ga tsarin yarjejeniyar tsagaita bude wuta ya nuna cewa, wannan tsari wani tsari ne na tsagaita bude wuta na dogon lokaci domin share fagen tsagaita bude wuta na dindindin kamar yadda aka tsara, amma kamar yadda gwagwarmaya ta yi hasashe a lokacin da makiya suka fahimci cewa ba su kai ga cimma burinsu ba a Khan Yunus kuma bayan da dakarun makiya suka dauki matakin yaki a arewacin Gaza makiya sun koma mataki na farko bayan da suka gaza wajen yin matsin lamba kan mayakan gwagwarmaya tare da samun goyon bayan Amurka, sai suka shiga wani mataki na matsin lamba kan mazauna Gaza.

Mayakan gwagwarmayar sun dauki matakin ne gaba daya a duk fadin arewacin Gaza kuma akwai gagarumin hadin kai a tsakanin dukkanin kungiyoyin gwagwarmaya, musamman ma dakarun al-Qassam da kuma bataliyoyin Saraya al-Quds a matakin ci gaba na ayyukan fagen daga.