Kamfanin dillancin labaran shafin sadarwa na Ahlul Bayt (AS) na - ABNA - ya habarta maku cewa: limamin sallar juma'a na wucin gadi a birnin Tehran, Ayatullah Ahmad Khatami ya bayyana cewa al'ummar Iran masu biyayya ne ga juyin juya halin Musulunci kuma sun nuna biyayyarsu ga juyin juya halin Musulunci ta hanyar shiga zabe.
A cikin hudubar sallar Juma'a ta wannan makon, Ayatullah Sayyid Ahmad Khatami, jagoran sallar Juma'a na wucin gadi na birnin Tehran, ya yaba da yadda al'ummar Iran suka fito a zaben 'yan majalisar dokokin kasar Iran da aka gudanar a ranar 1 ga watan Maris na shekarar 2024.
Ya ci gaba da cewa al'ummar Iran ta hanyar halartarsu a rumfunan zabe sun sake sabunta yarjewarsu ga manufofin juyin juya halin Musulunci, yana mai cewa "al'ummar Iran sun sake zaben Jamhuriyar Musulunci ta Iran ta hanyar shiga zaben."
Jagoran ya bayyana irin yadda al'umma suka shiga zaben a matsayin jihadi da mubaya'a ga Imam Khumaini (r.a) da shahidai, bisa la'akari da yanayin da kasar ke ciki, ya kara da cewa al'ummar Iran masu biyayya ne ga juyin juya halin Musulunci da kuma nuna amincinsu gare shi ta hanyar shigarsu zabe.
Ya ce game da laifuffukan da yahudawan sahyuniya suke aikataws a Gaza: an bayyana fuskoki guda biyu a Gaza, inda ya bayyana cewa kisan yara kanana da mata, da aikata laifuka, da lalata yankunan Gaza a hannun sahyoniyawa da magoya bayansa, bisa jagorancin Amurka, shine fuskaci na farko.
Fuska ta biyu kuma yana wakiltar kololuwar gwagwarmaya da tsayin daka na mutanen Gaza. Idan mutanen Gaza sun so su cire lullubi, duniya za ta goyi bayansu, amma wannan yaki ne na imani da kafirci, kuma masu laifi suna son su karfafa kafirci, ina tabbatar wa mutanen Gaza cewa za ku yi nasara, kuma da yardar Allah tsarin sahyoniyawan sahyoniya magoya bayansu zai rushe.
.........................