Kamfanin dillancin labaran shafin sadarwa na Ahlul Bayt (AS) na - ABNA - ya habarta maku cewa: Sheikh Ibrahim Zakzaky jagoran Harkar Musulunci a Najeriya a jiya, yayin da ya ziyarci Jami'ar Al-Mustafa tare da ganawa da shugaban Jami'ar da mataimakansa na Cibiyar kimiyya, yayin da yake ishara da yanayin Najeriya: Wannan kasa tana a yammacin Afirka, kuma yawanta mutanenta ya kai kimanin mutane miliyan 150, wadanda yawancinsu ke zaune a arewacin Najeriya.
Da yake bayyana cewa galibin al'ummar kudancin Najeriya ba musulmi ba ne, kuma mafi yawan al'ummar arewacin kasar musulmi ne, ya ce: 'yan mulkin mallaka sun raba kasashen Afirka, misali Nijar da Najeriya sun kasance kasa daya ne. amma a yanzu sun zama kasashe biyu, Nijar da ke Arewacin Najeriya tana nan, gaba daya al’ummarta Musulmi ne, kashi 95% na Arewacin Najeriya Musulmi ne; Arewacin Najeriya yana tasiri ga sauran kasashen yammacin Afirka, wadanda yawancinsu Musulmai ne.
Ya ci gaba da cewa: Idan ‘yan Shi’ar Nijeriya suka taru a wani gagarumin biki irin na muzaharar Ashura ko ta Arba’in, za ka ga miliyoyin jama’a sun halarci wannan taro, amma idan wadannan ‘yan Shi’ar suka watse bayan kammala tarukan addini suka koma garuruwansu to za ka ga ‘yan Shi’ar Nijeriya sun zamo ‘yan tsiraru.
Sheikh ya bayyan cewa babu wani kauye ko birni a Najeriya da za a iya cewa garin ko kauye na ‘yan Shi’a ne duka: amma Watakila a wasu kauyukan Najeriya mafi yawan mazaunasu ‘yan Shi’a ne, amma sun zamo tsiraru a biranen Najeriya, ‘yan Shi’a a Najeriya suna da babban tasiri a kasar nan kuma tasirinsu bawai ya shafi yawan jama'arsu kadai ba ne.
Shugaban 'yan Shi'a na Najeriya ya bayyana cewa: Al'ummar Najeriya sun fara sanin mazhabar Ahlul Baiti (AS) shekaru 44 da suka gabata, kuma kafin wannan lokacin babu Shi'a ko daya a Najeriya, wanda hakan abin mamaki ne!.
Ya yi nuni da cewa: A jami’ar da nake karatu a shekaru saba’inoni, akwai wani malami dan kasar Afirka ta Kudu da ya dawo kasarsa a shekarar 1979. Da ya ga hotunan dimbin jama’ar Ashura a birnin Zariya, sai ya kasance ya yi matukar mamakin Irin wannan hallartar da 'yan shi'a suka yi a taron zaman makoki, ya ce na san tituna da gine-ginen wannan birni kuma a cikin 70s babu Shi'a ko daya a Zariya, amma yanzu wannan adadi mai yawa na Shi'a ya kasance a cikin wannan birni.
Dangane da yawan mabiya Shi'a a Najeriya, Shaikh Zakzaky ya kara da cewa: Ba mu da cikakken kididdiga na adadin 'yan Shi'a a kasar, amma akalla mutane miliyan biyar ne suka halarci tarukan Arbaeen Husaini da aka yi a garuruwa da kauyuka daban-daban na Najeriya kafin Waki'ar Zariya ta faru shekaru takwas da suka gabata, haka nan muna da Sufaye a Najeriya Masoya Ahlul-Baiti (AS), Sufaye suna da'awar cewa manyansu sun koyi wadannan tarukan ne daga Amirul Muminin (AS).
Ya ci gaba da cewa: Na yi tafiya zuwa Iran ne a bikin cikar juyin juya halin Musulunci na farko, bayan na dawo Najeriya na fara kiran mutane zuwa ga mazhabar Ahlul-baiti ba kaitsaye ba, kuma dangane da haka ni ma na yi amfani da tsarin hanyar muhawara, muna girmama mauludin Sayyida Zahra (AS) da kuma makon hadin kai, muna kuma gayyatar Ahlus-Sunnah musamman mazhabobin Sufaye domin halartar tarukan mu.
Jagoran Harkar Musulunci a Najeriya ya dauki tafsirin Alkur'ani a matsayin daya daga cikin hanyoyin wa'azinsa inda ya ce: Ahlus-Sunnah a Najeriya suna karatu kan tafsirin Alkur'ani musamman a watan Ramadan, kuma muna ganin yadda ake watsa shirye-shiryen tafsirin kur'ani a wannan wata a gidajen talabijin na Najeriya, shekaru 44 da suka gabata na fara tafsirin kur'ani wanda na sanyawa suna da Mubeen.
Ya kuma jaddada cewa: A zagayen farko na tafsirin Alkur’ani ban ce ina tafsirin Alkur’ani ne a kan koyarwar Ahlul Baiti (AS) ba, har ma na ambaci sunayen Imamai (AS). ) a tafsiri na ba tare da lakabi ba, amma yanzu a zagaye na uku na tafsirin Alkur’ani, a fili na ce ina tafsirin Alkur’ani ne bisa koyarwar Ahlul-Baiti (a.s) kuma ina ambatar hadisai na Ma’aiki da Imamai ma'asumai (a.s.) a acikinsa; Har ila yau karatun tafsiri na ya yi tasiri a kan malaman Sunna na Nijeriya, kuma suna bayyana zantuka na ba tare da ambaton sunana ba a cikin tafsirin da suke yi, sai dai kawai su ce sun ji wadannan maganganun daga wajen wani.
Ya kara da cewa: Ni kuma na assasa koyarwar Nahjul-Balagha a Najeriya, tun kafin wannan littafin bai shahara a Najeriya ba, kuma a yanzu mutanen kasar nan sun san littafin Nahjul-Balagha, shima littafin Shahifah Sajjadiyya a Najeriya ya shahara kuma al’ummar kasar nan sun san addu’o’in littafin Sajjadiyya kuma suna sonsu, addu’oin Mufatihul Janan da suka hada da addu’ar Komel, sun yi tasiri ga mutane da dama, kuma bisa wasiyyar Manzon Allah (SAW) muna rarraba wasiyyar Ghadeer a Najeriya, wanda hakan ya yi tasiri ga wasu mutane.
Dangane da Makarantun Harkar Musulunci ta Najeriya, Shaikh Zakzaky ya ce: Muna da makarantun Firamare da Sakandare a Najeriya, wadanda muka sanya wa sunan Sheikh Usman Dan Fodiyo, daya daga cikin fitattun manyan Malaman Najeriya, adadin makarantun Fodiyoyi a kasar ya kai fiye da makarantu 600 kuma muna da hukumar ilimi don kula da wadannan makarantu.
A karshe ya yaba tare da godewa hidimar koyarwar da Jama'ar Al-Mustafa a nahiyar Afirka musamman ma a Najeriya.