Kamfanin dillancin labaran shafin sadarwa na Ahlul
Bayt (AS) na - ABNA - ya habarta maku cewa: mahukuntan gwamnatin sahyoniyawan
sun fara yi wa kungiyar Hizbullah ta kasar Labanon caccakar tofin ala tsine a
daidai lokacin da muggan hare-haren da ‘yan gwagwarmayar muslunci na kasar
Labanon ke gudana.
Itamar Ben Guer, ministan tsaron cikin gidan gwamnatin sahyoniyawan ya yi kira da a kai hari kan kungiyar Hizbullah ta kasar Labanon.
Ya kuma jaddada wajabcin ci gaba da yakin Gaza ba tare da dakatar da shi ba.
A daya hannun kuma, babban hafsan hafsoshin gwamnatin sahyoniyawan "Herzi Halevi" ya yi ikirarin cewa kungiyar Hizbullah tana ingiza kasar Labanon a cikin wani rikici wanda hakan zai haifar mata da wani babban farashi mai tsada.
Ya ce: Muna yin sintiri a sararin samaniyar kasar Labanon cikin 'yanci tare da tunkarar duk wata barazana da kuma dora tsadar gaske na alhaki kan kungiyar Hizbullah.
Da yake ci gaba da nuna bacin ransa, Halyvi ya yi iƙirarin cewa: Yankin kudancin Lebanon yanki ne da ake fama da rikici kuma za a ci gaba da yin hakan. Hizbullah ta yanke shawarar zama garkuwa ga Hamas kuma za mu dora mata farashi mai yawa.
A halin da ake ciki kuma, firaministan Isra'ila Benjamin Netanyahu ya yi ikirarin cewa: Za mu ci gaba da yakin har sai mun cimma dukkan manufofinmu, kuma za mu maido da zaman lafiya a yankunan kudanci da arewacin kasar. Za mu ci gaba da yakin har zuwa karshe. Mun nuna wa Hamas da Hizbullah cewa duk wani zagon kasa ba makawa mun yi alkawarin dawo da mutanen da aka kama, kuma Palasdinawa ba za su koma arewacin Gaza ba, muddin aka ci gaba da yaki a can.
Idan dai ba a manta ba kungiyar Hizbullah ta kasar Labanon ta yi wa sojojin yahudawan sahyoniya mummunar barna. A cikin jawabinsa na baya-bayan nan Sakatare Janar na kungiyar Hizbullah ta kasar Labanon Sayyid Hasan Nasrallah ya sanar da cewa, sau da dama an kai hare-hare kan cibiyoyin soji da ke kan iyakar kasar tare da yin hasarar babbar kan makiya yahudawan sahyoniya. Sojojin gwamnatin yahudawan sahyoniya suna buya ne saboda fargabar hare-haren Hizbullah, kuma mazaunan ba sa son komawa matsugunan da ke makwabtaka da kasar Labanon, kuma kokarin majalisar ministocin wannan gwamnati bai je ko'ina ba wajen cimma burinsa.
................................