Kamfanin dillancin labaran shafin sadarwa na Ahlul Bayt (AS) na - ABNA - ya kawo maku nassin bayanan Jagoran juyin juya halin Musulunci a yayin ganawarsa da 'yan majalisar tsakiya ta shelkwatar na lardin gabashin Azarbaijan wajen girmama shahidai 10,000 , wanda ya bayyana hakan. wanda aka gudanar a ranar Laraba 15 ga Disamba, 2023, wanda aka buga shi a yau a wurin taron a Tabriz.
A cikin wannan ganawar, Jagoran juyin juya halin Musulunci Ayatullah Sayyid Ali Khamenei ya kira gabashin Azarbaijan a matsayin mahaifar masu sadaukarwa da shahidai tare da jaddada cewa: bai kamata a bar jinin shahidai ya bice ba domin shahidai su ne ainihin al'ummar Iran kada al'umma ta manta da asalinta.
Yayin da yake jaddada cewa tunawa da shahidai ba wai kawai tunatarwa ba ne, yana mai cewa: gudanar da taron tunawa da shahidai da maimaita shi cikin kankanin lokaci abu ne da ya wajaba kuma wajibi ne, amma wadannan tarurrukan su zama ginshikin isar da ruhiyya da fitattun halaye na shahidai, kamar imani, takawa, shahada, sadaukarwa da jajircewa ga matasa.
Jagoran juyin juya halin Musulunci ya kira shahidai mafi kyawun abin koyi ga matasa, tare da jaddada cewa ya kamata a rubuta irin wadannan abubuwa masu ban mamaki a cikin tarihin al'ummar Iran, inda ya yi ishara da cewa: ya kamata a ce ruhiyya mai haskaka na shahidai a rubuta a cikin ayyukan fasaha kamar fina-finai, wakoki, littattafai, ya kamata isar da su ga matasa.
Jagoran juyin juya halin Musulunci Ayatullah Sayyid Ali Khamenei ya jaddada wajabcin rashin mancewa da iyalan shahidai da rubuta abubuwan tunawa da su, da kuma abokan shahidan yana mai cewa: A yayin isarda ruhiyya da halayen shahidan ga sabbin tsatso to dole ya zama an tantance bangaren tushen yunkurinsu. Haka nan ya kamata a fito fili ga matasa su sani cewa musabbabin yunkuri da motsawa a wane zamani ne harkar Musulunci ta kasance kafin nasarar juyin juya halin Musulunci da kuma ya irin jarumtaka da sadaukarwar shahidai da mahallinsa bayan nasarar juyin juya halin Musulunci. Idan haka ya faru wannan motsi da ruhin zai ci gaba.
Ya kara da cewa: Tabbas muna da wasu nakasu a fagen isar da dalilai da mahallin muhimman abubuwan da suka faru a tarihin juyin juya halin Musulunci, ruhin shahidai, da gabatar da fitattun mutane, don haka ne ma matasa da dama suka zamo ba su san su ba, don haka ya zama dole hukumomin Tabligi a hukumance, kamar rediyo da talabijin, su yi aiki a wannan fanni, su kara himma, da kuma yin amfani da karfin kafafen yada labarai wanda bana hukuma ba da ake da su a yau.
Jagoran juyin juya halin Musulunci ya kira kasar Azarbaijan a matsayin fitacciyar kasar Iran, kuma yayin da yake ishara da shahidan wannan yanki tun daga lokacin yunkurin Imam Khumaini (RA) har ya zuwa yanzu, ya kara da cewa: Ya kamata a samu mafi girman kimar kasar Azabaijan da kuma kyawawan dabi'u ya kamata a gansu a cikin tsaron kasa mai tsarki kuma a cikin fitattun shahidai irin su Mehdi Bakri, Hamid Bakri, Ali Tejalai da Murteza Yaghchian, baya ga haka, biyu daga cikin shahidai 5 na Mujtaba sun fito ne daga kasar gabashin Azarbaijan ne.