Kamfanin dillancin labaran shafin sadarwa na Ahlul Bayt (AS) na - ABNA - bisa nakaltowa daga kamfanin dillancin labaran IRNA ya habarta cewa, Sky News na kasar Iran ya habarta cewa, Riyad Mansour ya kara da cewa: Isra'ila ta kashe Falasdinawa kusan 3,500 da suka hada da yara sama da 1,000 a Gaza.
Jakadan na Falasdinu ya ce: "Wannan yakin za'a iya kawo karshensa kuma ya kamata a dakatar da shi nan da nan, kuma duk wani jinkiri zai kasance mai hadari da kuma janyo asarar rayuka."
Ya kara da cewa, abin tambaya a nan shi ne, me za mu yi don hana faruwar wadannan abubuwa, komitin sulhu ya kasa dakatar da kisan gillar da Isra’ila ke yi wa dubban Falasdinawa.
Mansour ya kuma ce: Isra'ila ba ta musanta kashe mutanen da ba su ji ba ba su gani ba, kuma ta sha yin hakan tsawon shekaru.
A ranar Laraba ne aka fara taron jama'a karo na biyu na kwamitin sulhu na Majalisar Dinkin Duniya a daidai lokacin da aka shiga rana ta goma sha biyu ana gwabza fada tsakanin dakarun gwagwarmayar Palasdinawa da gwamnatin haramtacciyar kasar Isra'ila, ta yadda 'yan majalisar da ke karkashin jagorancin Brazil za su yi nazari kan batun halin da ake ciki a Gabas ta Tsakiya da yankunan Falasdinawa da ta mamaye, kuma za a amince da kudurin da Brazil ya gabatar bai iya ci nasara ba, kuma Amurka ta ki amincewa da shi.
Kamfanin dillancin labaran IRNA na kasar Iran ya habarta cewa, dakarun gwagwarmayar Palastinawa sun kaddamar da wani gagarumin farmaki na musamman mai suna " guguwar Al-Aqsa" daga Gaza (kudancin Palastinu) kan matsayin gwamnatin sahyoniyawa a yankunan da ta mamaye tun a ranar Asabar 15 ga watan Mehr daidai da 7 ga watan Oktoba 2023.
A yayin da aka fara gudanar da hare-haren dakarun gwagwarmayar Palastinawa a cikin mintuna 20 kacal an harba rokoki dubu 5 zuwa matsugunan yahudawan sahyoniya kuma a lokaci guda mayakan kungiyar Hamas sun yi ta shawagi a cikin yankunan da aka mamaye domin sanya sararin samaniyar ta zama marar aminci ga yan mamayar fiye da kowane lokaci.