Kamfanin dillancin labaran shafin sadarwa na Ahlul Bayt (AS) na - ABNA - ya habarta maku cewa: Ayatullah Reza Ramezani, babban sakataren majalisar duniya ta Ahlul-baiti (A.S) wanda ya je wannan kasa bisa gayyatar 'yan shi'a da musulmin kasar Malawi ya halarci masallacin 'yan shi'a na Khawaja a kasar.
Shugaban Majalisar Ahlul-Baiti (AS) Ta Duniya a jawabin da ya gabatar ga masallata a wannan masallacin, yayin da yake ishara da ranakun da aka haifi manzon Allah (s.a.w.a.) ya bayyana cewa: Alkur'ani da Iyalai, wadanda suka kasance abubuwa guda biyu ne da aka damka wa al'umma amanarsu, ba za su taba rabuwa da juna ba, Alkur'ani bai cika ba sai Iyalan Annabi, kuma Iyalan Annabi ba su cika ba sai da Alkur'ani, kuma wannan umarni ne da ya zo a cikin dukkan littattafan Shi'a da Malaman Sunnah.
Ayatullah Ramezani ya jaddada wajibcin fahimtar ayoyin kur'ani mai girma inda ya ce: Yana da kyau a fahimci kur'ani da kyau, wani lokaci idan mutum ya lura da wata aya to wani sauyi hali yana faruwa a cikinss, misali Fadiil bin Ayyad, wanda ya ce: ya samu canjin yanayi bayan ya ji ayar Alkur'ani.
Abin takaicin shi ne musulmi sun nisantar da kansu daga Alkur’ani, ba kasafai suke karanta Alkur’ani ba, wasu suna karanta shi ba tare da sun fahimce shi ba, wasu suna karanta shi suna fahimtarsa amma ba sa aiki da shi, Alkur’ani domin ayi aiki da shi ne, Alkur'ani ba wai kawai domin yin bankwana da matafiya ba ne ko taka amarya ba, Alkur'ani ma'abucin haske ne, yi n abota kuwa da haske yana haskaka mutum ne.
Shugaban Majalisar Ahlul-Baiti (AS) Ta Duniya ya kara da cewa: Idan mutum yana son fahimtar kur’ani, to lallai ne ya san yarensa ba yaren Larabci kadai ba, a’a, dole ya san yaren fahimtar kur’ani.
Annabi ya ce: “Ni ne Madinar ilimi da hikima ne, Ali kuma ne kofarta, Ali yana tare da Alkur’ani, Alkur’ani yana tare da Ali, kuma ya ce Ali yana tare da gaskiya da mai gaskiya gaskiya tana tare da Ali”. Ibn Abi al-Hadid daya daga cikin malaman Sunna ya fassara hakan da cewa duk inda aka sami Ali to gaskiya tana nan, wato Ali gaskiya ne, Ali shi ne gaskiyar gaskiya, son Ali abu ne mai kyau da cewa babu abin da zai iya cutar da shi.
Ayatullah Ramezani ya ce: Muna da mu’ujizozi guda uku ga Annabi, daya mu’ujizar magana wacce ita ce Alkur’ani, ta biyu kuma ita ce hakikanin mu’ujizar da aka ruwaito wa Annabi mu’ujizozi dubu shida kamar tsagewar wata a tarihi). Wani malamin tarihi yana cewa mu'ajizar Annabi (Sawa) ta tarbiyyantarwa ita ce Amirul Muminin Ali (a.s) ne, don haka mu gode wa Allah da ya gabatar da mu ga Ali da iyalan Ali da kuma sanya soyayyarsu a cikin zukatanmu, Alkur'ani yana cewa da shi kansa Al-Qur'ani da Ali da iyalan Ali amana ce, kuma dole ne a kiyaye ta, a kare su, kada a bata musu rai, kada ka wahalar da su domin amfana da addu’o’insu.
Shugaban Majalisar Ahlul-Baiti (AS) Ta Duniya ya jaddada cewa Waliyi Faqih shine wakilin mataimaki ga Imamuz Zaman (a.s) kuma yana iya gabatar da manufofin Imamin lokacin, ya bayyana cewa mu da Waliyil Faish za'a jarrabe mu tare da Waliyil Faqih, idan muka yi da’a ga waliyyil Faqih, to lalle za mu yi da’a ga Imam Zaman. Imam Khamene'i wata ni'ima ce mai girma da Allah ya yi mana, a duk lokacin da muka kai ga hidimarsa, muna samun karfi da wayewa kuma muna kara karfi dangane da nauyin da ke kanmu. Ana saura kwana biyu tafiya Afirka, na isa wurin Jagora na ce masa cewa ina da tafiya Afirka, don Allah a yi mana addu’a, ya yi addu’a sau biyu ko uku don ka samu nasara.